BEI NGE SEI RÛN DUNG

Upa chuan, “Bei nge sei rûn dung” tiin hma lam an pan țauh țauh țhin. Hetiang anih tawh chuan manganna emaw harsatna engemaw tak an hmâah a awm tihna a ni a, chutah chuan an sual luiin an bei fat fat țhin. Chumi awmzia chu beiseina chhetê, la alh ve țang țang chu chhêm nun tumin hma lama thil awm chu thlirin; sîrlam emaw hnunglam emaw a thil awm chu theinghlihin an tum ram chu an pan hrâm hrâm țhin a ni.
           
Mihring kan nih chhûng hian lungngaihna leh harsatna hual vêl karah nitin nun hmang țhin kan ni ti ila kan ni ti ila; kan sawi sual âwm love. Kan hnathawhna a ni emaw, kan zirna a ni emaw; kan eizawnna pawh nise. Mihring nih chhûnga tluang parha nun hmang leh harsatna tâwk ngâi miah lo hi chu kan tam âwm love. Chuvangchuan kan thil tihna kawng engkimah hian bul kan țan tawh anih chuan a tâwp thleng tur hian theih tâwp i chhuah țhin ang u. “Bei nge sei rûn dung” tiin kan hmâa hmachhawp awm apiang hi sual lui ila, hlawhtlinna chuan min rawn ûm zui ang tih beisei tlat chungin beidawnna hi kan tâ anih rual hian tum chuan kan tân kawng a awm a ni tih hi i vawng tlat ang u.

________________________________