Luka 13 2-5 Tin, ani chuan an hnenah, “Chu Galili rama mite chu, chutiang thil an tuar avangin Galili rama mi zawng zawng aiin mi sual bik niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang. Tin, Siloam in sangin mi sawm leh pariat a delhhlumte pawh kha, Jerusalem khuaa awmte zawng zawng aiin mi sual bik niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a, a chhang a.
Khawvela kan awm chhûngin ringtute hi sual ti theilo kan ni tihna lam a ni lova, ringtu chuan a nunah Pathianin thu a neih tlat avângin thilsual an ti ngam lo mai zawk a ni. Thuthlunghlui lam kan en chuan Pathian țih mi leh a tâna in pe țhin miropui tak takte pawh sualah an tlu a ni tih kan hmuin kan hre thei âwm e. Mahse, thinlung leh tihtakzetin Pathian hnênah ngaihdam an dîl a, tichuan Pathianin a lo ngaidam leh țhin. Pathian ngaihdamna an chan hnû hian an tlûkna ngâiah an tlu zui tawh ngai lo thung. Sual sim hi Pathian duh dân dik tak pawh a ni rêng a ni. Tlûkna leh han petek châng chu a awm thei e, mahse kan sim chuan Pathianin min ngaidam leh ngêi ngêi dâwn a ni.
Bible thu kan tarlanah erawh chuan sual sim duh lote chan tur chiang takin a sawi a, Lal Isua ngêiin a sawi a ni. Sual vângin hliam kan tuar țhin a, Pathian ngaihdamna pawh kan chang ngei țhin, mahse sim a; kan kawng zawh ngâi zawh tawh lo tur kan ni tih erawh kan hriat reng a țul khawp mai. Sual sim ten Pathian ngaihdamna an chang țhin. Nimahsela Pathian duh loh zâwng kan tih zia inhriain kan sualte thupha chawiin Pathian hnênah ngaihdam dîl țhin mah ila, simna tak rilru kan put si loh chuan Pathian ngaihdamna kan chang zo tak tak dawn chuang lo a ni. Luka Bung 13 thu kan târlanah phei chuan sual sim duh lote chu Pathianin a hrem a țhulh dawn chuang lo a, thihna an pumpelh dawn hauh lo a ni tih chiang takin kan hmu a ni. Engemaw vângin sualah kan tlu thei teh meuh mai, mahse Pathian hnênah simin kan hawikir leh ngei ngei tur a ni, chutilochuan sual vânga thî nia kan hriatte ang bawk hian kan la thi ve ngei dawn a ni tih kan hriat a va pawimawh tehlul em.
A tawp berah chuan hei hi hria ila, mihring kan nih chhûngin Pathian dân bawhchhiat châng kan nei thei e, kan tlu dêr thei bawk, nimahsela Pathian fa nihna chang tawhte chu sual vângin kan bawk sawp reng tur a ni lo, simin Pathian hnênah kan kîr leh tur a ni a, kan sual ngâiah kan lêt tawh tur a ni lo. Sim loh man chu thihna a ni si a.
Khawvela kan awm chhûngin ringtute hi sual ti theilo kan ni tihna lam a ni lova, ringtu chuan a nunah Pathianin thu a neih tlat avângin thilsual an ti ngam lo mai zawk a ni. Thuthlunghlui lam kan en chuan Pathian țih mi leh a tâna in pe țhin miropui tak takte pawh sualah an tlu a ni tih kan hmuin kan hre thei âwm e. Mahse, thinlung leh tihtakzetin Pathian hnênah ngaihdam an dîl a, tichuan Pathianin a lo ngaidam leh țhin. Pathian ngaihdamna an chan hnû hian an tlûkna ngâiah an tlu zui tawh ngai lo thung. Sual sim hi Pathian duh dân dik tak pawh a ni rêng a ni. Tlûkna leh han petek châng chu a awm thei e, mahse kan sim chuan Pathianin min ngaidam leh ngêi ngêi dâwn a ni.
Bible thu kan tarlanah erawh chuan sual sim duh lote chan tur chiang takin a sawi a, Lal Isua ngêiin a sawi a ni. Sual vângin hliam kan tuar țhin a, Pathian ngaihdamna pawh kan chang ngei țhin, mahse sim a; kan kawng zawh ngâi zawh tawh lo tur kan ni tih erawh kan hriat reng a țul khawp mai. Sual sim ten Pathian ngaihdamna an chang țhin. Nimahsela Pathian duh loh zâwng kan tih zia inhriain kan sualte thupha chawiin Pathian hnênah ngaihdam dîl țhin mah ila, simna tak rilru kan put si loh chuan Pathian ngaihdamna kan chang zo tak tak dawn chuang lo a ni. Luka Bung 13 thu kan târlanah phei chuan sual sim duh lote chu Pathianin a hrem a țhulh dawn chuang lo a, thihna an pumpelh dawn hauh lo a ni tih chiang takin kan hmu a ni. Engemaw vângin sualah kan tlu thei teh meuh mai, mahse Pathian hnênah simin kan hawikir leh ngei ngei tur a ni, chutilochuan sual vânga thî nia kan hriatte ang bawk hian kan la thi ve ngei dawn a ni tih kan hriat a va pawimawh tehlul em.
A tawp berah chuan hei hi hria ila, mihring kan nih chhûngin Pathian dân bawhchhiat châng kan nei thei e, kan tlu dêr thei bawk, nimahsela Pathian fa nihna chang tawhte chu sual vângin kan bawk sawp reng tur a ni lo, simin Pathian hnênah kan kîr leh tur a ni a, kan sual ngâiah kan lêt tawh tur a ni lo. Sim loh man chu thihna a ni si a.
_____________________________________
No comments:
Post a Comment