SIM CARD INMIL LO IN BIAK KAN TUM A NI..!

Vawikhat chu puipunnaah mihlimnu pakhat hian, Pathian Thu hi phelh deuh pheng phung hian a sawi buan buan mai a. A Mizo tawng a chhe si, a sawi tum ber pawh hi a hriat hleih theih loh a, muthilhsan ka tum leh ka thei si lo. Mahse tawngkam pakhat lek, ka thinlung dek zawktu hi a sawi ta tlat mai.

Chu chu, “Pathian hian kan thlarauvah min bia a, tisain dawn kan lo tum thin a..” tih a ni. Pathian hi inti thlaraumi leh chuang tur a awm lo. Thlarau a ni. Mihring erawh chu thlarau leh taksa inkawp kan la ni a. Thlarau chuan kan thlarauvah zel min bia a, taksa leh tisa-a dawn kan lo tum chuan, kan sim card a inman lo a ni!

Tunlai cellphone hmang hian tehkhin a awl khawp mai. Ezekiela 37:14: Nangmahniah ka thlarau (sim card) ka dah ang a, in nung ang a ti a lawm! “Pathian chu thlarau (simcard) a ni. A chibai buktuten thlarau (simcard) leh tih tak zet (handset)in chibai an buk tur a ni tiin Johana 4:24-ah hian min hrilh a lo nia!

Tih tak zet takzet takzet hi a tha e, handset changkang tak hi a tha a lawm, mahse a chhunga thlarau (simcard) a nun si loh chuan, tih-tak-zet-handset hi a rit thlawn mai a ni.

Kan sim card leh kan handset chu dik fel vek pawh ni se, a chang chuan Pathian tower signal man phâk lohna, ‘shadow area’ thihna hlim kawr ruamah te hian bu kan khuar tlat a.

Pathian hnathawh hmu phak ve vek mah ila, Amah nena han inbiak tak tak dawn chuan, “not reachable” kan ni tlat! Signal awm lohna ruamah chuan àu rin leh tlaivara chaw nghei a sawt lo! Galatia 5:25-ah “Thlarauva nung kan nih chuan Thlarauvah vek i awm leh bawk ang u.” a tihte hi a fiah thar tak em!

Mizoram kohhrante ‘nunna’ hi engin nge kan inteh? Kan thawhlawm zatah em ni? “Thlarauvah kan awm em?” tih hi kan signal a nun leh nun loh tehna ber tur chu a ni. Pathianin min biak a tum laia khawvel kan lo biak tlat avangin, kan line hi a ‘engage’ chang a awm ngei bawk ang le!

________________________________________

TITA BIBLE QUIZ

Reasoning
1.    Tita Kret thliarkar a Tirhkoh Paulan a hnuchhiah nachhan?
Ans:  Thil tihfel bakte chu i tihfel zelna tur leh thu ka pek che ang khan khaw tinah upate ruatna turin (1:5)
2.    Tirhkoh Paula hian Kohhran hotu qualification a sawi teuh mai a, Engvang in nge sawiselbo tur a ni a tih nachhan?
Ans: Kohhran hotu chu Pathian sum enkawltu a nih avangin (1:7)
3.    Tute nge dan ang lova awm, thu sawi mai mai te leh tihdertute mi tam tak an awm si Tirhkoh Paulan a tih kha?
Ans: Serhtanho zing a mi an ni deuh ber (1:10)
Facts
Tita hnena tirhkoh  Paula lehkhathawn hi thupui neiin thliar hran theuh a ni a, a pathumna khan eng thupui nge a neih?
Ans: Zirtirna hrisel (2)

Tita-ah hian Bung engzat nge awm?
Ans: Bung 3

Bung 2na ah khan chang engzat nge awm?
Ans: chang 15

Bonus : Eng bung nge sei ber?
            Ans: Bung khatna chang 16 a awm

Fill in the blanks (Sawizawm rawh)
1.      Nang erawh chuan ________dik tak nena inhmeh  thu sawi rawh.
Ans: Zirtirna (2:1)
2.      _____ pawhin Pathian thu chu sawichhiatin a awm loh nan...
Ans: Pitarte (2:3)
3.      Chutiang bawkin ______ te chu rilru fel tak pu turin fuih rawh.
Ans: Tlangvalte (2:6)

Reasoning

1.      Engtik hunah nge Pathian khawngaihna a lo lan?
Ans: Mi zawng zawng hnenah chhandamna rawn thlenin (2:11)
2.      Tunlai khawvelah hian engtia awm turin nge min chah?
Ans:  Insum leh fel tak leh Pathian ngaihsakin kana wm tur a ni tih min zirtir (1:13)
3.      Tita 3:13-na Zina kha eng mi nge a nih?
Ans: Dan hretu
4.      Paulan khan tute nge chibai min han buksak ang che a tih kha?
Ans: Rinna min hmangaihtute (3:15)
5.      Kan mite chu tlakchham an neih ngai loh nan engti tur a fuih turin nge Tita kha Tirhkoh Paulan a tih?
Ans: Hna tangkai thawka in hmang reng turin fuih la, an awm mai mai tur a nilo. (3:15)
6.      Tute pahnih nge Paula hian Tita hnen a tirh a tum te kha?
Ans: Artema emaw Tukika emaw (3:12)
7.      Eng thu nge rinawm tirhkoh Paulan a tih kha?
Ans: Pathian ring tawhte chuan thil tha ti zel turin ngaihtuah rawh se.. (3:8)
8.      Tirhkoh Paulan thil sawtlo leh engmah lo a ni si a tih ?
Ans: Zawhna atthlakte, thlahtu chhuina te, inhnialna te, dan thu a insualna te chu hawisan zel rawh (3:9)
9.      Rinna hran nei mi chu vawi engzat zilh hnuah nge zilh tawhloh tur a tih kha?
Ans: Vawi hnih khat zilh hnu chuan zilh duh tawh suh (3:10)

Zawhna ho mai mai

1)      Tita kha eng hnam nge a nih?
Ans:  Greek mi (Galatia 2:3)
2)      Eng khua ah nge Paula khan Tita kha lo kal hram hram ang che a tih?
Ans: Nikopoli (3:12)
3)      Tita hi Paula hian engvangin nge ka fa tak tak ti a a koh?
Ans: Tita, Kan rin thuhmun avanga ka fa taktak hnenah (1:4)
4)      Tita-ah hian a tlar hnuaiah bible reference chhiar zawm tur/ thu in hne ang chi te dah teuh a ni a, chung zingah chuan enge tam ber?
Ans: Timothe-a (5)
5)      Zawlnei pakhatin Kret thliarkara mite a sawi dan kha enge ni le?
Ans: Kret thliarkara mite chu dawithei te, sakawlh sual te, thatchhe dawheh te an ni fo mai (1:12).
6)      Tirhkoh Paula hian Pathian nihna chang4 naah khan engtin nge a address
Ans: Pa, Pathian leh Krista Isua min chhandamtu hnen ata khawngaihna leh remna awm rawh se.

✝
      *_BIBLE  QUIZ_*
          *_GROUP_*
           *_RULES_*
             📖✍📖

✍  *_HE GROUPIN A A TUM BER CHU PATHIAN THU KAIHHRUAINA LEH THLARAU NUNKAWNGA HMA KAN SAWN THEIH NAN LEH IN ELNA FELFAI LEH THINLUNG  THIANGHLIM HMANG CHUNGIN QUIZ HI  BUATSAIH ANI_*

✍  *_BIBLE QUIZ A NIHNA ANGIN A HUN TAKAH MEMBER TIN TEN CHHÃN ṬHEUH KAN TUM DAWN NIA_*

✍  *_QUIZ HI THAWHLEHNI LEH ZIRTAWPNI 8:30PM AH NEIH ṬHIN ANI ANG A_* *_(Host a remchan loh palh thuah timing hi sawn theih ani ang)_*


✍  *_QUIZ HI ADMINS TEN AN INSIAM CHHAWK ṬHIN ANG A,A TI ṬHA HNÊNAH TOP-UP/NET PACK ₹50 MAN A HLAWH ANG_*

✍  *_QUIZ KAL TLUAN LAIIN TIBUAI THEI THIL POST LOH HRAM NISE,UANG THUANG TAKA QUIZ HI CHHÂN A REM LOVANG_*

✍      *_PATHIAN THU NÊNA INHMEH LO PIC/VIDEO/SEX/GROUP DANG LINK HRIM HRIM POST LEH VOICE KHAP BUR A NI A,TI LUI KAN AWM CHUAN ADMINS TE MIN DEM THEI LOVANG_*

✍  *_MEMBER TIN TEN KEIMAHNI A PATHIAN INPUANNA LEH PATHIAN THU A KAN VEI ZÂWNGTE IN ZIRTIRNA LAMA KAIHHRUAINA ṬHA TAK NEI IN SHARE THEIH ANI ANG_*

✍  *_PATHIAN THU HRIATTHIAM LOH NEITE TAN IN THLAHRUNG HAUH LOVA ZAWT DUH NEITE TAN ZAWH THEIH RENG ANI BAWK E_*

✍  *_KAN HAWRAWP TE MIZO ṬAWNG KIM TAKA TYPE ṬHIN TUR ANI A,SHORT CUT PHAL A NI LOVANG_*

✍  *_A TAWP BER ATAN HE KAN DAN LEH HRAI CHHE TÊ HI MEMBER TIN TEN THINLUNG THIANGHLIM PU RÂN CHUNGA MIN ZÂWM SAK HRAM TÛRIN IN KHAWNGAIHNA KAN RAWN NGÊN LEH TAK MEUH MEUH ANI TIH HI MIN LO VAWN SAK DAWN NIA_* 🙏🙏
        *_KAN LAWM E_*

*_BY:-CREATOR & ALL ADMINS BIBLE QUIZ GROUP_  📖✍📖_*

NUN KAIHRUAITU BIBLE.


“PATHIAN Thu hi a nung a, thil a ti thei a, khandaih hriam tawn eng ang ai pawhin a hriam a, . . . thinlunga ngaihtuah leh tumte hi a hre nghâl thei a ni.” (Hebrai 4:​12) Pathian Thu thiltih theihzia chungchânga he hrilhfiahna hian Bible hi lehkhabu ṭha satliah mai a ni lo tih a târ lang chiang hle a ni.

“A thuchah hi nun nâna kan thâwk zêl ang tluk zetin a pawimawh a ni,” tiin sakhaw lam thu ziaktu pakhat chuan tawi kim deuhin a lo ziak a. Tin, “Tûn laia kan mawhmawh leh kan thlâkhlelh êm êm tihdamna chungchâng ngaihtuah chunga Bible i chhiar chuan, a danglamzia i hmu ang,” tiin a sawibelh a ni. Khawnvâr êng tak angin Bible chuan zawhna khirhkhân tam takte leh tûn lai nuna buainate chungchâng min hrilhfiah a ni.​—⁠Sâm 119:105.

Bible-a târ lan finna thute hian kan ngaihtuahna kaihruai tûr te, buaina kan tawhte sukiang tûr te, leh kan nunphung tihmasâwn tûr tea min ṭanpui tûrin thiltihtheihna a nei tak zet a; tin, kan tihdanglam theih loh dinhmunte hmachhawn thei tûrin min thuam bawk a ni. Chûng zawng aia pawimawh chu Biblein Pathian hre tûr leh hmangaih tûra min ṭanpui thei hi a ni.


__________________________________

*_NUN DUHAWM BER CHU._*
                *_(SAM. 1)_*

_Nun duhawm ber chu Chang 3-naah hian kan hmu ta. Mi sualsualte thurawnna lam ngaithla duh lo, mi sualte tih dan pawh la duh lo, Lalpa hmusittute zinga tel duh lo – Pathian dan lawmnaa hmanga chhun leh zana ngaihtuah thin nun chu maw_

_Ani chu tuiluang kianga thing phun_
_A huntea rah thin._
_A rah pawh uai ngai lo ang hi a ni a;_
_A thiltih apiang chu a hmuingil zel ang._

_He Sam-a thing ang nih hi a va chakawm tak em! A thu hi a mawiin a hlu thlawt a ni. Hla phuah thiam ni ila hla ropui tak ka phuah ngei ang. Thuziak thiam ni ila essay ropui tak a hring chhuak ngei ang. Thuhril thiam ni ila he chang behchhan hian ka au khawk rum rum ang. Ka theih tawk ka tawngtaina chu, “Lalpa, tuiluanga kianga thing phun, a huntea rah thin, hnah pawh uai ngai lo, thiltih apianga hmuingil zel hi min nih tir ang che,” tih hi a ni._

_Ringtute hian hei aia nih chak kan nei thei dawn em ni? Hringfate tan hei aia hlu hi a awm thei dawn em ni? Thing ni ta ila, tui luang kianga din aia duhawm a awm lovang. Tui luang kianga thingphun chuan a nunna atana a mamawh ber tui a tlachham ngai lo va, hnianghnarin a hmu reng a, a nung hlap reng a ni. Tichuan, sik leh sa inher azirin rah a lo huna, a hunteah rah a chhuah thin a; a hmanhmawh hauh lova, a muang chang ngai lo. A sakruanga nem ber lai a hnah, tang thei tura feina leh khawngna nei hauh lo pawh a nih tur ang sang ber niin a vuai leh til tura uai miah lovin a hring hlap reng a ni._

_Tichuan, chaw tha leh dik hne na na na, a huntea rah na na na chu a thiltih apiangah hmuingil lo thei a ni lo va, Pathian Thu pawhin a hmuingil zel a ni tih min hrilh mai a ni. He mi nihna hi Pathian chawimawitu, Pathian ropuina thlentu a ni tih a chiang. Poet Joyce Kilmer hla ropui chuan:_
           
               _TREES_
_I think that I shall never see_
_A poem lovely as a tree_
_A tree whose hungry mouth is prest_
_Against the earth’s sweet flowing breast._
_A tree that looks at God all day_
_And lifts her leafy arms to pray._
_A tree that may in summer wear_
_A nest of robins in her hair._
_Upon whose bosom snow has lain._
_Who intimately lives with rain._
_Poems are made by fools like me,_
_But only God can make a tree._

          _Thing kung chuan nilengin a siamtu lam a thlir a, a kaute chu Pathian lamah a phar chhuak bawk thin. Nipui a lo thaw a, chung leng savaten an chenna atan bu an rawn chhep a, vur a lo tlakin a lo dawngsawng thei zel bawk si. Van ruahtui a lo tla a, inhawng takin a pumin a lo pawm thin a ni. A siamtu tan a va hlu em!_

_Ani chu tuiluang kianga thing phun_
 _A huntea rah thin._
 _A rah pawh uai ngai lo ang hi a ni a;_
 _A thiltih apiang chu a hmuingil zel ang._


________________________________________
*_MUTTUI ZINH THAWH NUAM EM EM VEK U LE._*

*_BIBLE PATHIAN MIN PEK LEHKHABU CHU._*


_• Eng kawngin nge Bible hi lehkhabu dang zawngte laka a danglam bîk?_

_• Engtin nge Bible chuan mi mal harsatna i tawhte hmachhawn tûra a ṭanpui theih che?_

_• Engvângin nge Bible-a hrilh lâwk thu awmte chu i rin theih?_

_• I ṬHIAN duh tak tuemaw hnên aṭanga thilpêk ṭha tak i dawn lai chu i la hre chhuak thei em? Chutianga thil dawn chu a phûrawm mai ni lovin, a hlimawm hle ngei ang; thilpêk chuan a petu’n in inṭhianna a ngaihhlutzia a hriattîr si che a. Chuvângin, i thilpêk dawn avânga i lâwmzia pawh i sawi chhuak ngei ang._

_• Bible hi kan lâwm êm êmna tûr Pathian thil min pêk a ni a. He lehkhabu danglam bîk tak hian kawng danga kan hriat ngai hauh loh tûr thil tam tak min hrilh a ni. Entîr nân, arsi awmna vân boruak zau tak te, leilung te, leh mipa leh hmeichhe hmasa ber te siam an nih dânte min hrilh a. Nuna harsatna leh lungkhamna te hmachhawnna kawnga min ṭanpui thei tûr thu bul rin tlâk tak takte a chuang bawk. Tin, Pathianin a thiltum a hlenchhuah dân tûr leh he leia dinhmun ṭha zâwk a rawn thlentîr dân tûr pawh min hrilhfiah bawk a ni. Bible chu thilpêk dawn phûrawm tak a va ni êm!_

_Bible hian a Petu, Pathian chanchin engemaw tak a târ lan avângin, chu chu mi tihlim thei tak thilpêk a ni  bawk. Pathianin chutiang lehkhabu min pêkna chuan amah kan hriat chian a duhzia a târ lang chiang hle. Dik takin, Bible chuan Pathian hnaih tûrin a ṭanpui thei che a ni._

_Bible i nei a nih chuan, khawvêla lehkhabu darh zau ber i nei ve tihna a ni. Bible bu pum leh a ṭhen lai chu ṭawng chi hrang 2,300 aia tama tihchhuah a ni a, khawvêl mihring zaa 90 aia tamin an nei thei a ni. A chawhrualin, Bible hi chawlhkâr tin copy maktaduai khat aia tam sem chhuah a ni a. Bible bu pum emaw, a ṭhen lai emaw chu bu tlûklehdingâwn li vêl chhut chhuah a ni tawh bawk. Bible ang rênga sem chhuah leh chhut chhuah hnem lehkhabu dang a awm lo tih a chiang hle a ni._

_Ṭawng tam taka tih chhuah New World Translation of the Holy Scriptures “New World Translation of the Holy Scriptures” chu ṭawng tam taka hmuh theih a ni_

_Chu mai bâkah, Bible chu “Pathian thâwk khuma pêk a ni.” (2 Timothea 3:16) Eng kawngin nge? Bible ngeiin heti hian a chhâng a ni: “Miten thlarau thianghlim tirhin Pathian hnên ata an sawi zâwk ṭhîn,” tiin. (2 Petera 1:21) Heti hian lo tehkhin ta ila: Putar pakhat chuan a tupa chu lehkha thawn a ziahtîr a. Chu lehkha thawnah chuan putar ngaihtuahna leh kaihhruaina a chuang a ni. Chuvângin, lehkha thawn chu a  tupaa lehkha thawn ni lovin, putar lehkha thawn ngei a ni. Chutiang bawkin, Bible-ah pawh a ziaktu mihringte duh dân ni lovin, Pathian duh dân chu ziak chhuah a ni a. Chuvângin, Bible bu pum pui chu “Pathian thu” a ni tak zet a ni.—1 Thessalonika 2:13._



__________________________________________

*_CHUTAH CHUAN I AWM VE ANG EM..?_*


_Pathian sawrkârna a nih avângin, Pathianin chu rorêlna hnuaia khua leh tui ni tûra a pawm mi kan ni tûr a ni a. A pawm mi nih theih dân pawh min hriattîr bawk a ni.A kaihhruainate chu Bible-ah a awm vek a ni._

_Rorêl tûra ruat, Pathian Fapa chu mi fel a ni a. (Isaia 11:​3-5) Chuvângin, he sawrkârna hnuaia nung tûra pawmte chu mi fel an ni ve tûr a ni. Thufingte 2:​21, 22 chuan: “Mi tluangte chu leilungah hian an chêng ang a, ṭha famkimte chu chutah chuan an awm reng a; mi suaksualte erawh chu leilung ata tihboral an ni ang a, vervêk taka titute chu tihboral phiar an ni ang,” a ti._

_Hêng thil phûtte tlin tûra zir dân kawng a awm êm? Aw, awm e. Bible zirna leh a kawhhmuhnate nunpuina hmangin, he hma bâk ropui tak hi i nei thei ang. (Johana 17:⁠3) Lalpa Pathian Thuhretute chuan chu mi zirna kawnga ṭanpui che chu an châk a ni. Retheihna leh rorêl dik lohna tawng ngai lo tûr khawtlânga i tel theih nân he hun remchâng hi hmang ṭangkai tûrin kan sâwm che a ni._


______________________________________

*_ISUA HLOH HI A HLAUH AWM ZAWK_*


_"Sakhi, luite tui chaka a thaw huam huam ang hian, Aw Pathian, ka nunna hi nangmah chakin a thaw huam huam a ni."(Sam 42:1)_

_Lalpa chaka tuihal te hi an hlawhchham ngailo, Lalpa kal phungah chu chu ani tlat. Amah hnaih tura hmala chu a hawisan ngailo ani, Tihtakzet erawh a ngai ngei a. Kross a, a ding lama an khenbeh kha, a dam chhungin vawikhat chiah Isua a thlang a, chu chu van ram a thlen phah a, amah thlangtu hnawl hi kan Pathian kalphung ani lo ani._

_Mi hlawhchham, a tum ngai vawi eng emawh zah a beihnawn hnu ah pawh hlawhchham zel pakhat chuan " Ka Hlawhchham a, na ka ti, awm ngaihna ka hrelo, mi ka hmu ngam bawk silo. Ka mangang chu ka tawngtai ka tawngtai a, Lalpa ka ngai ngawih ngawih a, Lalpa nen inpawhna tak tak ka neih phah ta a, chu ka hlawhchhamna chu Lalpa nen inpawhna min neih tirtu anih vangin, *Ka hlawhtlinna ropui ber a ni",*  a ti._

_Lalpa min *chak* tirtu leh min *ngaih* tirtu anih chuan, kan rilru pawh na se, kan tum pawh hlawhchham ila, chhungkuaah rui buai pawh awm se, mi duh loh leh hnawl pawh ni ila, ei zawnna ah pawh harsain talbuai ila, hriselna pawh chan ila, a pawi chhe te aih lo! *Rohlu ber Isua min neih tir tak tak tu a nih chuan.*_

_Khawvel leh van thil zawngte hlutna let tamtak a hlu, *"Isua hloh hi a hlauh aem zawk"* si a._

*_"ROHLU BER ISUA NEN INPAWHNA TAK MIN NEIH TIRTU ANIH CHUAN" a pawi kan ti phal dawn em ni?_*


____________________________________

*_SUAL HAW BER PATHIAN CHUAN MISUALTE A TUNG THO LEH ṬHIN._*


_Tin, Isuan, "Kei pawhin thiam loh ka chantir lo va che; kal la, tun hnuah tisual leh tawh suh," a ti a. (Johana 8:11)_

_Hmeichhe pakhat uire lai an man a, Mosia danah chuan den hlum tur a ni a. Mahse Isua'n, "In zinga sual nei lo apiangin amah chu lungin deng hmasa rawh se," a ti a. Mahse tuman an deng lo a ni, sualna nei theuh an nih avangin._

_Hetah hian Isua hi sualna nei lo awmchhun a ni a, amah hian lungin deng sela, dan ang takin thiam a chang ngei ang. Mahse khawngaihna a lantir a ni. Misualte an sual anga thungrulh hmang tak a ni ve lo, kan zui Isua hi ngaihdamna leh lainatnaa khat a ni._

_Tin, chang 11-naa Isua tawng kam hi vau lawkna (warning) emaw ka ti thin a. Mahse chiang taka kan en chuan fuihna tawngkam zawk a ni:_

_"Kal la" - hei hian hma sawn la (move forward) a tihna a ni. Khanu sualna zawng zawnga Juda te'n an huat ber uirenaa tlu tawh mah ni se la. Hma i ila sawn thei ania, tho leh rawh. Tiin Isua'n a fuih a ni._

_"Tun hnuah tisual leh tawh suh" - i lo tisual tawh thin a, mahse i tisual lo thei a ni, i fel thei ania, i chak ania, sual i do hneh thei ania tiin a fuih zawk a ni._

_Hei hi kan Pathian mizia a ni. Kan sualna te hi a palzam mai mai dawn tihna lam erawh a ni lova. Mahse kawng dik kan zawh nan min ngaidam a, min dawhthei a, min kaitho duh a, hmasawn turin min fuih tlat duh a ni._

_Hmangaihnaa khat Pathian, lainatnaa khat Pathian ava han ni tehreng em._

_Isaia 43:25 Kei, keimah ngei hi, keimah leh keimah avâng ngawta in bawhchhiatnate thai bo țhintu chu ka ni; in sualnate pawh ka hre reng lo vang._

_(Tawngtai Dan Tur) Lalpa, ka sualna zawng zawng nangin min ngaihdam sak thin avangin ka lawm e, ka tan nilo, ka chhungte tan pawh nilo, midang tumah tan nilo, engang pawhin suala ka tluk pawha min hmangaih tlat thin tu leh kei misual hi ka thawh leh theih nan a, min pui tlat duh tu, Lalpa nangma tan ngei a, nun dik leh thianghlim ka neih theih nan min pui ang che, Amen. Ti ang aw....._


_____________________________________

*_RINHLELHNA HI SUAL A NI A, DO TAKZET A NGAI A NI._*


_"Tih tak meuhvin ka hrilh a che u, tupawh he tlang hnenah hian, ‘Lo insawn la, tuifinriatah lo inpaih rawh,’ tia, a rilruaa ringhlel lova a sawi chu a lo thleng ngei ang tih ring apiangin an sawi ang apiang chu an hmu ang."(Marka 11:23)_

_"Nimahsela, ringhlel hauh lovin rinna neiin dil rawh se, ringhleltu chu tuifinriat fawn thli chhem len leh vawrh ang a ni si a."(Jakoba 1:6)_

_Kan chin tha lo zawng zawng te, kan thinchhitna thlengin leh kan tawngkam tha lo zawng zawng te, kan inthlahdahna zawng zawng te kan sim vek tawh hnuah pawh, sual min tibuai thintu pakhat ala awma chu chu, rinhlelhna hi a ni._

_Rinhlelhna hi, a lang zen zen loa, a lan hun chu, rinna kan mamawh lai takin a ni. A hlauhawmna mi tamtak chuan kan hre fuh lo maithei a, sual hnathawh zawng zawnga hlauhawm ber a ni ti ila, kan duh thawh mah mah maithei a, mahse hlauhawm tak a ni._

_A chhanchu, kan Pathian hi amah ringtu rin dan chian ang zela thawk thin Pathian a ni a, ringtu ten thil ropui ber kan tih theihna chu, kan rinna'in a ni a, chu kan thiltihtheih ropui ber chu, he rinhlelhna hian min dang thin a, kan intihchak reng loh phei chuan, kan damchhunga rinna atanga kan thiltihtheih tur leh kan thlentheih tur chu ti lo leh thleng phaloin a awm theih a ni._

_Rom 10:17 ah chuan,"Chutichuan rinna chu hriatna avangin a lo awm thin a, tin, hriatna chu Krista thu avangin a lo awm." He ta hriatna a tih hi King James Version ah chuan, "Hearing" a in ti a, chu chu benga thu kan ngaihthlaka kan hriatna hi a ni. Chutianga, Pathian hre tura a thu kan ngaihthlak kan ngaihthlak chuan, kei mahniah hna a thawk a nga, nasa takin kan rinna a tichak thei dawn a ni._

_Chutiang ang bawkin, keimah ni a, Pathian thu thawh tir theitu chu, Bible leh rinna kawnga min pui thei lehkhabu leh thutha chhiar hi a ni a, tin nasa taka tawngtaina pawh hian, Pathian chenchilhna nunah min luh tir thei thina, chu chuan kan rinna hi nasa takin a tichak bawk thei a ni. Kan rinna tichak tura ringtu dangte nena in pawlkhawm hi a pawimawh em em bawk a ni._

_Keimahni tlang ṭheuh kan sawn theihna turin, rinna kan neih a ngai a, rinna chu kan neihtheihna tur chuan, tih hun lai te emaw, duh hun bik te chauhah emaw ni lovin, nitin Pathian thu ngaithla ila, chhiar bawk ila, engkimah tawngtai zel ila,  inkhawm thulh duh lo bawk ila, tichuan thil ropui bik kan tihtheihna turin rinna kan nei ngei ang.  Tin, hei ngei hi, rinhlelhna kan do hneh theihna tur chu a ni bawk a ni._


__________________________________________

*_MARTHI RINNA:_*

_Marthi rinna pawh hian Isua ka rinna avanga thiamchang ka nihzia hi min hrilhfiah ka ti ngawt thin mai. Isua kha a lo thlenin ani hian a lo hmu hmasa a chuta a tawngchhuah hmasak ber chu ‘Lalpa hetah awm ni la ka nuṭa a thi lo tur. Tunah pawh Pathian hnena I ngen apiang Pathianin a pe ang che tih ka hria e, a ti a ni.  Mahse Marthi hian a ring tak tak lo tih a hriat khawp mai. Isua khan a chhanna-ah I nuṭa a tho leh ang a tih khan nikin ni-ah chuan a tho leh ang a ti daih mai. Isua Krista thiltihtheih chin kha ama bil khan ramri a lo kham ve ni ngei tur  a ni. Lazara kha a tidam thei tih chu a hria a. Mahse thinna lak ata a chhanchhuak thei a ni tih erawh a ring ngam hauh lo. Ring ngam ang erawh chuan a awm chiang mai._

_Isua Kristan Thihna leh thawhlehna a nihzia a sawina sentence-ah ngei pawh khan ‘min ring em?’ tiin a zawt leh chiah  a ni. Tah pawh khan eng tin nge a chhan kha? Ring e Lalpa, Krista, Pathian fapa, khawvela lo kal tura chu I ni tih ka ring e, a ti a nih kha. Mahse amah bawk hian Thlan an thlen a Isua a ṭah zawh a kaihthawh a tum tak tak lai khan engtin nge a tih leh kha? ‘Lalpa tunah zawng a uih taw hang, a thihna hi ni li  a ni tawh si a’ a ti leh ngat a nih kha. Isua Krista hian a live-in eng tin tak nge a lo react kual vel ang aw tih ka ngaihtuah thin… Í rin chuan Pathian ropuizia I hmu ang ka ti lo che em ni?’ ‘tiin a counter ta vel a ni. Isua nen khan an inchapchar rei khawp mai. Kawtchhuah atanga an in – an in atanga thlan awmna thleng. Tin, an inchapcharnaah hian Isua hian Amah ring tura a duhna lam hawi bak a sawi lo…chu chu an pahniha an thupui a ni bawk! Isua hian ‘É khai Marthi min ring duh si lova ka kaitho lo mai ang… I khirh em mai. Hei chen kan inhnim hnai ve tawh a, tin tuna kan inbiaknaah ngawt pawh hian a CLUE ka pe nasa tawh che em mai’ a tih mai ka ring hial a ni._

_Mahse a ti lo tlat mai! Amah ringtu tena kan innghahna tur Bible chang tha tak – ‘I rin chuan Pathian ropuina I hmu ang ka ti lo che em ni?’ tih hi a lo chhakchhuak ta hial a ni. Kei ngei pawh hi hetiang dinhmunah hian vawi tam ka awm tawh thin. Sikul te harsa taka ka kal laite … Mangang reng renga ka khawsak lai – van treasury bak beisei tur ka neih loh laite khan amah hi rin a tul zia chu ka hria mahse rin ngam tak tak a har a ni. A chang phei chuan a tihtheih loh hialte pawh ka ring thin – Marthi ang hian Pathian thiltihtheihna hi ka lo ring ngam lo leh thin. Mahse chu ti chung chuan amah ka rinna leh ka duhna tlemte avang khan ka mamawhnate kha min phuruksak thinin ka hre thin. In ni ve thin em?_

_Rinna hi Isua hian a ngaipawimawh khawp mai. A hmaa ka sawi inngaihtlawna pawh khi a vaw tla tawp thei a ni. Sipai za hotu bawih tihdam chungchangah khan a hriat reng mai.  Kha sipaiza hotu mizia that turzia kha a lang chiang khawp mai. Amah kha Rom mi a  ni ngei ang a.  Tin a bawih hi Juda mi a nih ngei a rinawm bawk. Rom leh Juda inkar leh bawih an sawngbawl dan chu kan hre theuh anga; duhawm lem lo tak a ni. Mahse he sipaiza hotu hi chu a ni hauh lo. A bawih hi a hmangaih mai a ni lova a dam theihna tura Isua a lo pan ngat a ni. Mi entawn tlak a nihzia  lang reng mai._

_ze mawi tak Isua kan hmangaih nana pawimawh em em ingaihtlawmna a nei tih kan hre thei. Ka puitlin hnua chiang taka ka chhiar hnu-a ka rilru-a lo lang hmasa ber leh daih rei zawk chu he sipai lal zet mai inngaihtlawmna hi a ni. ‘Ka Lalpa ka inchhung I luhna tlak a ni love thu chauh sawi la ka bawih a dam ang’ tiin a ngen lawm lawm a ni. Sipaiho lalzia chu ka hre theuh ang. Isua bulah pawh hian engtin emaw tak chu a lalzia tihlan ve awm tak a ni. Mahse a ti lo ‘Ka inchhung I luhna tlak a ni lo…’ a ti ngawih ngawih a ni._

_Mahse Isua Krista khan he a inngaihtlawmna hi engtinmah comment a pe tlat lo mai. Isua Krista hian rinna a ngaih pawimawhzia ka hriat hma chuan ti mak deuh mang e aw ka ti hial thin. Engtin nge a tih kha? ‘Tih tak meuh meuhin ka hrilh a che u, Israelte zingah pawh heti ema rinna nasa hi ka hmu lo…’tiin a hnampuite kha a zilh hlak a nih kha. A chhan chu helaiah amah ring em em tu hi Juda mi a ni lo tlat a. Marthi rinna derdep tak atang hian zirchhuah tur I neih ve ngei ka ring tlat a ni._



_____________________________________

*_FINNA LEHKHABU ṬANGKAI TAK BIBLE._*


_Bible hi Pathian thâwk khuma pêk a nih avângin, “zirtîr kawngah te, thiam loh chantîr kawngah te, zilh kawngah te, felna zirtîr kawngah te a sâwt” a ni. (2 Timothea 3:16) Ni e, Bible chu lehkhabu ṭangkai tak a ni a. Chutah chuan mihringte mize hriatthiamna nasa tak a lang a ni. A Ziaktu Pathian chu Siamtu a nih avângin, chu chu thil mak a ni lo ve! Ani chuan kan ngaihtuahnate leh rilru veizâwngte chu keimahni aiin a hre zâwk a. Chu bâkah, Lalpa Pathian chuan kan hlimna atâna kan thil mamawhte chu a hre vek a. Tin, kan pumpelh ngai nun kawngte pawh a hre vek bawk a ni._

_Matthaia bung 5 aṭanga bung 7-naa chhinchhiah Tlâng Chunga Thusawi tia koh tâk Isua thusawi hi ngaihtuah teh. Chu thusawi hmingthang takah chuan Isua chuan thu hrang hrang; hlimna tak tak neih dân te, buaina chinfel dân te, ṭawngṭai dân te, sum leh pai thlîr dân dik neih dân te thlengin  a sawi a. Chuta Isua thusawite chuan a sawi lai ang bawkin, tûn laiah pawh thil a ti thei a; a la ṭangkai reng a ni._

_Bible thu bul ṭhenkhat chuan chhûngkaw nun te, hna thawh dân te, leh mi dangte nêna inlaichînna te chungchângah kaihhruaina a pe a. Bible thu bulte chu mi zawng zawng tân a ni a, a fuihnate chu engtik lai pawhin a ṭangkai a ni. Bible-a finna thu awmte hlutzia chu zâwlnei Isaia kal tlanga Pathian thusawi: “Kei hi LALPA in Pathian, in ṭhatna tûra nangmahni zirtîrtu, in kalna tûr kawnga hruaitu che u chu ka ni,” tihah hian a lang a ni.—Isaia 48:17._


______________________________________

TE BER NIH TUMIN BEI FAN FAN RAWH

Engtin nge nupui leh pasal chu tê ber anga an inngaih ve ve ang a, chu chuan engtin nge an inneihna a nghawng theih?

Inneihnaah. Tûn laia mi tam tak chuan an mi mal dikna neih chu an ngaih pawimawh êm avângin, mi dangte dikna tihchhiatsak hial pawhin neih an phût ṭhîn. Mahse, Paula’n Rom khuaa mite hnêna nei tûra a tih miziate chu mi inngaitlâwm chuan an nei a ni. Rom mite hnêna a lehkhathawnah heti hian a ziak a: “Inremna tûr leh intihsâwt tawnna tûr thilte chu i ûm ang u,” tiin. (Rom 14:19) Tê ber anga inngaitu chuan mi zawng zawng nêna inrem a tum a, a bîk takin a kawppui a hlut tak nêna inrem chu a tum lehzual a ni.

Intihhlimna chungchâng hi ngaihtuah teh. Nupate’n intihhlimna an ngainatzâwng a inang lo mai thei. Pasal chuan a hun âwl chu ina awm a, lehkha chhiar nân hman a duh mai thei a. Nupui erawh chuan chaw ei a kal chhuah emaw, ṭhiante tlawh emaw a duh mai thei thung. A pasalin inngaihtlâwmna lantîr a, ama duhzâwng ringawt ngaihtuah lo va, a nupui duhzâwng leh duh loh zâwngte a ngaihtuah tel tih a hmuh chuan nupui tan a pasal zah chu a awlsam sawt dâwn lâwm ni? Tin, nupuiin ama duhzâwng chauhva thil tih tum lo va, a pasal duhzâwng a ngaihtuah tih a hmuh chuan pasal chuan a nupui chu a hmangaihin, a ngaihlu ngawt ang le! Nupate chu tê ber anga an inngaih ve ve chuan an inneihna chu a nghet sawt ṭhîn a ni.—Philippi 2:1-4 chhiar rawh.

Sâm 131-ah Davida’n eng rilru put hmang nge neih atâna ṭha a tih a, chutiang rilru put hmang chu engtin nge kohhranah kan neih theih ang?

Kohhran chhûngah. He khawvêlah hian, mi tam tak chuan an thil duhzâwngte tihpuitlin nghâl vat an duh ṭhîn a. Anni chuan dawhtheihna an nei lo va, thil engmah nghah an duh lo bawk. Tê ber anga inngaihna rilru put hmang neihna chuan Pathian beisei, a nih loh leh nghâk tûrin min ṭanpui a ni. (Sâm 131:1-3 chhiar rawh.) Inngaihtlâwmna leh Pathian nghahna chuan muanna leh malsâwmna, hahdamna leh lungawina min thlen a. Chuvângin, Davida’n a Israelpuite hnênah dawhthei taka Lalpa Pathian nghâk tûra a fuih pawh kha a mak lo ve!

Inngaitlâwm taka Pathian i nghah chuan chutiang bawk thil chu i tawng thei a. (Sâm 42:5) “Hnathawh ṭha” i duh avângin “kohhran hotua ṭan” i tum pawh a ni thei. (1 Tim. 3:1-7) Chutiang i nih chuan, hotu ni tûra mize neih ngaite i neih theih nâna thlarau thianghlimin i chunga hna a thawh theih nân i theih apiang i tih a ngai dâwn a ni. Mahse, hotu i nih nân mi dangte aia rei zâwk daih i nghah ngai ta se engtin nge ni ang? Rawngbâwlna chanvo pe tûra dawhthei taka Pathian nghâk a, tê ber anga inngaitu chuan hlim takin Pathian rawng a bâwl chhunzawm zêl ang a, a chanvo chan apiang chu lâwm takin a pawm ang.

Thil tihsual kan neih huna ngaihdam dîl leh mi dangte ngaihdamna chuan eng hlâwkna nge a thlen? Thufingte 6:1-5-ah eng fuihna thu nge chuang?

Mi dangte nêna inlaichînnaah. Mi tam tak tân chuan thupha chawi chu thil harsa tak a ni. Mahse, Pathian chhiahhlawhte chuan an thil tihsual pawm a, ngaihdam dîlin, tê ber nihna rilru put hmang an nei a. An chunga mite’n thil an tihsual pawh ngaihdam an inpeih bawk. Chapona chuan kohhranah inṭhen hranna leh inhnialna a awmtîr laiin, inngaihdamna erawh chuan remna a awmtîr thung.

Kan thunun phâk loh dinhmun engemaw avânga kan intiamna kan hlen theih loh hunah mi dangte hnêna thupha chawina hmanga ‘kan intihhnuai,’ a nih loh leh kan inngaihtlâwm a ngai mai thei a. Mi dangte thiam loh ni tel ve tho mah se, Kristian inngaitlâwm chuan ama tlin lohna anga ngaiin, pawm a inhuam ṭhîn.—Thufingte 6:1-5 chhiar rawh.

Engvângin nge kan za hian Bible-in tê ber anga awm tûra min fuihna chu kan ngaihhlut ṭheuh ang?

Tê ber rilru put hmang ang nei tûra Pathian Lehkha Thu min fuihna chu kan va ngaihlu tak êm! Chutiang rilru put hmang lan chhuahtîr harsa tih châng chu nei ṭhîn mah ila, min Siamtu dinhmun laka kan dinhmun engmah a nih lohzia kan hriatna leh a inngaihtlâwmna kan ngaihhlutna chuan chu mize hlu tak chu nei tûrin min chêttîr thei a. Chutianga kan tih chuan, Pathian chhiahhlawh hlu lehzual kan lo ni dâwn a ni. Chuvângin, kan zain tê ber angin i awm ṭheuh ang u.




_________________________________________

HAPPY BIRTHDAY.

( Hlimpuii Mahlimi.)

Ka ṭhian duhtak i piancham hlim tak leh hrisel tak a i thlen leh theih hi thinlung takin ka lawmpui che a, i piancham ni a wish thei tur che a hriselna ṭha tak min petu Lalpa hming chu fakin awm rawh se., He i piancham, mi dang ni lova nangmah ngeiin i hmang thei hi ka lawmpui tak meuh meuh che!

Dam leh tha taka i piancham i thleng thei hi ka lawmpui rual chein he niin a ken tel, i hmaa mawhphurna leh chona lo awmte hi chhel taka hmachhawn thei turin duhsakna ka hlan a che.

Mi lakah beiseina dah sang ngai lo la, i beisei anga an awm loh hunah i nat phah lutuk dah ang e!

Mi zawng zawng ring la, an lakah i rilru erawh nghat vek kher suh.

Lehkhabu hi a kawm atang chauhin thlir lo la, a chhung a inziak atang ngeiin le.

Khawvel tan hian engmah i ni lo mahna, tu emaw tan erawh a Khawvel i ni!!!

Chu tu emaw chu i hriatah a inlan lo a nih pawhin a ni erawh chuan a thlir reng ang che!

Thawh tam hi ṭhain tuar mahse, mi tinin an lawm si!

I tel tawhna reng rengah a nep pawl ni lovin an la ngaih vawng vawng tur khawpa thawh tum fo la.

Hruaitu nih hi thaa mi dang kaihhruai mai ni lovin, an rilru hneh a, an tana beiseina nih a ni.

Beisei tur a awm tawh loh hnuah pawh i kaihhruaite tan beiseina ni fo la!

Thawk la, an zui ang che!

I sawi tam chuan an ning ang che!

I tihhlawhtlin theih loh tur tiamin beiseina siam sak suh. Mi rinawm lo hna a ni ngai e!

Harsatna hi chhelna leh chakna hnar a tan hmang fo la! Beidawnnna phena Beiseina awm hi thlir fo ang che!

(🎂HAPPY BIRTHDAY.🎂)
🎊🎊🎉🎉🎁🎁🎉🎉🎊🎊

I ṭhian,
ᏕᏗᏇᎷᏦᎥᎷᎥ👼🏻ᏂᎷᏗᏒ🎋🕊