PATHIAN BIAK BANG SUH AW .

'I bialpa sawh zanin la la hian ṭhen nghal rawh' tiin a bialnu chu a chhung ten an lo hauva. A tet te aṭanga enkawl seilian tu a chhungte thu chu zawm nghal mai awm tak, mahse zawm mai harsa a ti tlat mai a.
.
Hmun rem chang a zawng nghala, a chhungten an hau dan te, a bialpa pawh ṭhen nghal tura an ti thu te chu a bialpa a hril nghal vek a. Ṭawng pawh ṭawng ring ngam lovin, bed room voice ngei mai chuan a Bialpa chu a be char char a.
.
A chhungte thu sawi zawng zawng chu a bialpa a hril ta zel mai a. A bialpa chuan a awm dan tur te, a ṭawng dan tur te, a chet dan tur zawng zawng a lo hril ve zel bawka.
.
Setana hian Isua kan hmangaih hi a duh lo bur mai a, nitin zantin hian Isua ṭhen turin min nawr renga, Isua zui tawh lo tur tein, Isua chanchin sawi tawh lo tur te in min WARNING reng mai a ni.
.
Kan chhungte kal tlangin, kan ṭhiante kal tlangin, kan bul hnaia mite kal tlangin min bei char char hi a tum reng bawka. Nula in hrehawm nasa tak mai, a bialpa avanga a tawrh mekte kha a bialpa a hril ve zel avang khan a Bialpa chuan a lo hmangaih tulh tulh a.
.
Chutiang zel chuan unaute u, setana hian buaina min siamsak a tum reng ṭhina. Setana hian Isua nena kan inṭhen theina turin nasa takin min hauvin, min bei ṭhin a ni.
.
I harsat zual poh leh Lalpa be tam la, i chau rau poh leh Pathian be tam la, mamawh i ngah poh leh Lalpa au zual sauh la, Pathian BIAK BANG SUH AW.
.
I biak reng phawt chuan a Hmangaihtu che Pathian chuan a kalsan ngai lovang che.