.
Bialnu te, bialpa te kan han nei ve dek deka, reilote ah kan inṭhen leh nghal ṭhina. "Kei zawng damchhan kan nei ve love"te kan han tia.
.
Nula kan han bem ṭhina. Min lo duhlo chuan, "Min hmangaih lo chuan khawvel hi ka tan chuan hremhmun ang mai a ni, damchhan reng reng ka nei ve love" te kan han ti ṭhin a. Dawt sawi hi kan lo va hrat hlawm tak em aw ka ti fo ṭhin.
.
Jeremia 1:5 aṭanga a lan dan ah hi chuan, kan pian hma daih aṭang tawh in PATHIAN RUAHMANNA (plan) ah kan tel tih a chiang em em mai a. Pian chhan kan nei a, damchhan kan nei a, nun chhan kan nei bawk.
.
Nula emaw tlangval pakhat avang mai maiin pianchhan, damchhan reng reng ka neilo kei zawng te kan lo tih ṭhin te kha Lalpan a ngaithla ve vek dawn si a. 'Á' min ti ṭhin ngawt ang !
.
Unau duhtak, khawvel ah hian ENG NGE I PIANCHHAN ? Eng ti turin nge I PIAN VE RENG LE ? Sualna tipung mai mai turin nge i pian a sualna ti bo tu turin ? Nu leh Pa te timangangtu turin nge i pian a, ti lawmtu turin ?
.
Lalpa chuan kan pian hma aṭang daih tawh in A RAWNGBAWLTU TURIN MIN LO SERHRANG TAWH tih Jeremia ziak aṭang hian a chiang hle a ni.
.
Serh Hran i nih tawh chuan mi bik (special person) i ni a, special thil ah Lalpan hman ngei che a tum bawk ang. Chuvangin, Lalpa ruahman lawkna tipuitling turin ke i pen chhuak ang u.
No comments:
Post a Comment