Lal Isua Krista ringtute hi he khawvela kan awm chhung hian mihring kan la nih miau avangin awhna te, itna te, chakna te, duhna te hi a bo dawn lo. Lal Isua Krista chhandam te, Pathian fa tak roluah tur, van khua leh tui ni mah ila, he khawvelah mihring niin kan dam chhung ni kan la chhiar si a. Kan ram hlun tur kan thlen hma hi chuan he khawvel a chakna te chawpa boral mekah hian nun kan hman a lo ngai rih si a. Nitina thil kan hmuh leh kan hriatte hi a pangngai a, chhandam fate kan nih avang ngawt hian kan itna te, kan awhna te leh kan chakna te hi a bo bik si lova. Chakna, itna te leh awhna te hi he khawvel miten an neih ang tho hi kan la nei a, kan taksa peng tin mai hian he khawvel mawina leh ropuina te hi a hriat hmaih hauh bik chuang lo.
Chutiang karah chuan kan nung mek a, kan duhzawng leh it zawng zawng zawng hi nei thei lova, hnualsuat vek tur erawh kan ni lo. He khawvelah kan awm chhung hi chuan kan nun nawmna tur leh kan chak zawng leh it zawng nei thei tur hi chuan theih tawp chhuahin dik tak leh fel tak in kan bei țang țang tur a ni. Amaherawhchu heng kan chak zawng leh it zawng zawng zawng neih tuma kan beihna kawngah hian kan itna leh chakna hi min hruaitu atan kan hmang palh ang tih hi a hlauhawm țhin.
Kan duhzawng leh chak zawng kan zawnna kawngah hian min hruaitu tur hi kan hai hlauh anih chuan, kawng dik lovah kan peng bo mai țhin. Heng zawng zawng kan neih theihna tur atana kan beihna kawngah hian Lal Isua hi min hruaitu nise. Lal Isua hruai theih loh khawpa kan duhna leh chakna kan dah lal anih chuan kan tan ațha dawn lo.
Mi țhenkhat chu he kan duhna leh kan itna hi kan in hruaitir a, Pathian duhdan pen bosanin an tlan țhin a, thilțha lo tiin, fel lo takin an ti țhin a ni. He khawvelah chuan nuam tak leh dinhmun awhawm tak pawhin a lang țhin a ni mai thei. Chung thil titute avang chuan mahni dinhmun thlir a, awhna leh itnate thinlungah a lo len chang hi chuan lungngaihna khurah min hruai lut thuai țhin. Kan Pathian thu chuan chung thilțha lo titute avang chuan inti lungngai lo tur leh fel lo taka ti tute chu awt hek lo turin min ti a ni.
He khawvelah rei lote chhung atana nawmna kan zawn luatah hian kan chatuan hmun tur kan bosan palh hi thil hlauhawm tak a ni dawn. He khawvel a chakna te chawpa boral mekah hian Lal Isua aia hlu zawk leh pawimawh zawk dang reng reng hi nang leh kei atan hian a awm lo. Hei aia duh leh awh zawk tur dang hi eng nge maw awm le?
Chutiang karah chuan kan nung mek a, kan duhzawng leh it zawng zawng zawng hi nei thei lova, hnualsuat vek tur erawh kan ni lo. He khawvelah kan awm chhung hi chuan kan nun nawmna tur leh kan chak zawng leh it zawng nei thei tur hi chuan theih tawp chhuahin dik tak leh fel tak in kan bei țang țang tur a ni. Amaherawhchu heng kan chak zawng leh it zawng zawng zawng neih tuma kan beihna kawngah hian kan itna leh chakna hi min hruaitu atan kan hmang palh ang tih hi a hlauhawm țhin.
Kan duhzawng leh chak zawng kan zawnna kawngah hian min hruaitu tur hi kan hai hlauh anih chuan, kawng dik lovah kan peng bo mai țhin. Heng zawng zawng kan neih theihna tur atana kan beihna kawngah hian Lal Isua hi min hruaitu nise. Lal Isua hruai theih loh khawpa kan duhna leh chakna kan dah lal anih chuan kan tan ațha dawn lo.
Mi țhenkhat chu he kan duhna leh kan itna hi kan in hruaitir a, Pathian duhdan pen bosanin an tlan țhin a, thilțha lo tiin, fel lo takin an ti țhin a ni. He khawvelah chuan nuam tak leh dinhmun awhawm tak pawhin a lang țhin a ni mai thei. Chung thil titute avang chuan mahni dinhmun thlir a, awhna leh itnate thinlungah a lo len chang hi chuan lungngaihna khurah min hruai lut thuai țhin. Kan Pathian thu chuan chung thilțha lo titute avang chuan inti lungngai lo tur leh fel lo taka ti tute chu awt hek lo turin min ti a ni.
He khawvelah rei lote chhung atana nawmna kan zawn luatah hian kan chatuan hmun tur kan bosan palh hi thil hlauhawm tak a ni dawn. He khawvel a chakna te chawpa boral mekah hian Lal Isua aia hlu zawk leh pawimawh zawk dang reng reng hi nang leh kei atan hian a awm lo. Hei aia duh leh awh zawk tur dang hi eng nge maw awm le?
__________________________________
No comments:
Post a Comment