KRISTA THINLUNG

KAN HMANGAIH KAN ṬHEN TAK TE NEN KAN IN HMU LEH ANGA, TAH CHUAN MITTUI A TLA TAWH LOVANG.

Damlai thlalĕr harsatna kawng hreawm tak kan zawh a, sawi ngam loh harsatna te'n min chhem vel lai pawn Isua'n "he khawvel hi ka ram ani lo, ka ram ni sela chuan ka mi ten an do ang," tia Pilata hnenah a sawi kha- Isua nen pumkhat kan ni a, Ani ram anih loh chuan keini pawh kan ram a ni lo, tih thu hian min thlamuan ṭhin..

Chu thu avang chuan, hreawm tak chung pawn lawmna thuruk min pe ṭhin ani, chu chauh pawh ni lovin, ka hmangaih kal ta te pawn min lo hmuak anga, chu hmun ah chuan inṭhen na awm tawh lovin mittui pawh a hul tawh ang a, kan lawm a famkim ve tawh ang.

Kan hmangaih te mittui nen kan ṭhen tak te khan nitin in min thlir in min lo nghak reng a, lawm a hlim leh turin, Krista thinlung chuan hmangaih tlak lo te min hmangaih a, a hmangaihna khawpui ah chatuan a Amah fak ho tawh tura min siam theihna tura a tuarna te chu ava ropui em..! Buaina in a chhem phak tawh loh na hmuna min len tir leh hi Krista thinlung ani.

1. Mittui hul in ṭap lai kan bang ve tawh ang. Thupuan 21:3-4, Isaia 49:10, thupuan 7:17.

2. Hmangaih kan ṭhen tak te nen kan in hmu leh ang. 1thessolonika 4:13-18,  2samuela 12:23, sam 16:10.


____________________________________

A CHHE LAI SIAMṬHATU

KAN THINLUNG CHHE TAWH HNU LEH BAWLHHLAWH HNU MIN SIAMṬHAT SAK LEH TURIN MIN DIL.

Pathian angpui a mihring te hi siam kan ni a, thinlung thianghlim leh bawlhhlawhna nei lo, ṭha famkim leh fel famkim a Pathian duhdan ang tak a siam kan ni a,

Ramsa leh thil dang dang te chu awm rawh se, a tih khan an awm mai ani a, mihring erawh chu vaivut a la a, a duh dan ang tak uluk takin a siam a, a hnar ah nunna thaw a pe a, chatuan daih nunna a neiin a awm,

Chu mihring chu hmelma Diabola chuan hneh in a lo ti chhe ta a, mahni leh mahni i ti thianghlim thei tawh lo, ṭha thei tawh lo chu siamṭha turin min dil a, mihring hi chu mi in an duh tawh lo, hman na tur awm tawh lo, an duh tawh lo min pek chuan kan ngai theilo a kan thin a rim ṭhin, Pathian erawh chuan hmelma diabola anga sual leh bawlhhlawh tawh kan thinlung hi siam ṭha turin min dil a ni...

1, Mihring thinlung sual zia leh ten awm zia. [Johana 8:44, Jeremi 17:8, thufing 29:9, Joba 25:4, u thuhriltu 7:20, Rom 3:10-12]

2, Thinlung chhia siamṭha leh turin min dil, [Thufing 23:26, Ezekiel 36:26, Isaia 1:18]

MIHRING PIANPUI THINLUNG

[Ezekiela 36:26, Jona 3:5-18, 2korinth 5:17-18]

1. Chhandamtu tura Krista duh, nunah Lal tur erawh chuan duh lo.

2. Ngaihtuah na tinreng Krista thu awihna sala ṭhuai.

Mihring hlui zia leh ngaihtuahna, chhia leh kha tak mai hi thlak danglam a awm in, Thlarau Thianghlim rorelna hnuaiah thinlung thar puta, "a chhiatna lai siamṭha tu" hniakhnung zuh hi Pathian min duh dan ani, chu kawng zawh tur chuan Isua Krista hi min chhandamtu leh kan nun pum chunga Lal tur a pawm leh ruat angai hmasat phawt a ni.

Chhandamtu tura pawm chu harsa kan ti lova, kan nun pum chungah Lal tura ruat erawh chu harsa kan ti ṭhin, kan mihring pianpui thinlung, mahni tawk a thei leh induhtawk (chapona) hian thuneitu dang lakah te in pek lut harsa a ti fo ṭhin, Thlarau Thianghlim thiltihtheihna hmanga tisa duhzawng kalsan a ringtu nun khalh hi harsa kan tih ber pakhat chu a ni.

Piangthar tawh hnu pawh ni mah ila, chawlh lai reng nei lova kan nuna roreltu hlui leh Lalthar in dona chu kan ngaihtuahna thinlung hi a ni, Mit a hmuh theih ni si lo, kuta khawih theih ni bawk lo ram ah khawvel in do dan anga indo ni lo, Tirkoh Paula'n "Ngaihtuahna thinreng Krista thu awihna salah ka ṭhuai a," tiin a lo ṭan a lo lak ve dan min hrih a, Kan thinlung ngaihtuahna rit leh vak vel, kan taksa bung leh chang thunun te hi Krista thuawih na sala ṭhuai kawngah siamṭhat a pawimawh na lai ani, mahnih kawchhung lam nun siamṭhat hmasak phawt loh chuan hmun dangah a siamṭha tu kan va ni thei lovang.

A RAM LEH A FELNA ZAWN HMASAK KAWNGAH.

(Mt. 6:19-24; 32:33; phi 3:7-11; Jk.5:13-17)

Kan hun, tha leh zung, sum leh puan hman na te hian kan  thil ngaihpawimawh te chiang takin a tarlang a, damchhung khawsakna ngaihtuahna aia Pathian ram hmasak tir.

Pathian ram thinlung leh nunpumpui chunga Pathian Lalna leh rorelna, thildang zawng zawng aia zawng hmasa tura zirtir kan ni, Pathian ram leh a felna hi a lan chang changa zawn chauh tur nilovin, eng hunah pawh hmuh hma zawng uluk taka zawng char char tura thupek kan ni.

Pathian ram leh a felna kan zawn hmasak dawn chuan kan ngaihtuahna leh kan thiltih apiang Pathian ram nen a inzawm vek tur a ni, kan hna thawhna, kan hun hmanna, nupui/pasal zawnna, sum leh puan kan hmuhna leh hmanna leh a dang dangah te hian zawhna pawimawh tak, mahni ṭheuh inzawt ṭhin ṭul chu, Pathian ram leh a felna te nen inzawmna an nei em? Kan ngaih pawimawh hmasak ṭhin thil te phat rual lova tarlang ṭhin tu chu, kan hun hman hnem na, tha leh zung, sum leh puan kan sen hnemna te hi an ni ṭhin.

Hmun dangah a chhe lai siamṭhat tur kan vei hma in, mahni nun ṭheuh in enchiang hmasa in "a ram leh a felna" thu nge, "thil dang" an tih te hi an hmasa zawk? A ram leh a felna ngaihtuah hmasa phawt a, chu miangzela damchhung khawsakna ngaihtuana tinreng te thlunkhawm hi ringtu te awmna tur ani, Damchhung khawsana ngaihtuahna hmasak tir phawta, chumi zawhah Pathian ram leh a felna thu rem leh rem lova hmeh belh hram hram tum hi Kristian kalchawi dan letling anih avangin siamṭhat a pawimawh ani.

MIMAL NUNAH.

Isaia 58:12 tichuan nang chu, "A chhe lai siamthatu," "Mi awmna tûra kawngte siamṭhatu," an ti ang che.

Thlarau nunna nen inzawm a ni.
(1Lal 3:9; Sam 51:1-13; 119:98-100;  Efe 2:10;)

1. Siamṭhatna hna hi Thlarau nunna thu nen inzawm a ni; mahni duh thu a tihtheih a ni lo.

2. Thlarau Thianghlim thiltihtheihna hmanga siamṭhatna hna hi thawh theih chauh a ni.

Pawnlam thlirna ringawt ngaihtuah chuan a chhe lai siamṭhatu hminhg hi a mawi a, a siamṭhatu nih pawh thil pur awm tak pawh a ni maithei e, Amahreawhchu, a chhe lai siamṭhat hna hi pawnlam a lang thilte chauh ni lovin mita hmuh theih loh, kawchhung lam Thlarau nunna siamṭhat thu nen inzawm ani tlat, mihring hian mahni thu hmanga, mahni hmuhdan ang leh rilrua duh dana siamṭhatna hna thawh a duh ṭhin, a titu ber nih hming ṭhatna pawh thinlungin a duh ṭhin, nimahsela, a lang thei chauh chei a, chhungril lama chhiatnate siamṭhat anih ve si loh chuan eng thil pawh a daih rei tak tak ngailo, pumpui nat vanga hmai vun duk chu powder eng ang pawh hnawih mah ila, a ṭangkai tak tak theilo, pumpui damdawi ei a pawimawh ber ṭhin.

Kawchhung lama Thlarau nunna bulpui, a chhe lai siamṭhatna hna hi mihring theihna, finna leh rem hriatnate hmanga tih ṭhat theih ani lo, Lal Davida chuan, "...Aw Pathian, keimahah hian thinlung thianghlim tak siam la; Ka kawchhûngah hian thlarau dik tak siam thar leh ang che......Chutichuan bawhchhetute chu i kawng chanchinte ka zirtir ang a; Tichuan, mi sualte chu i lamah an hawi leh ang." Tiin siamṭhatna hmanrua anih theih nan amahah Thlarau Thianghlim leh dik a dil hmasa phawt ani, khawchhung lam siamṭhatna hi Thlarau Thianghlim thiltihtheihna hmangin a awm thei chauh ani.

Lal Solomona chuan ro fel taka a rel theih nan leh a ṭha leh a chhia a thlir hrang theih nan Pathian hnenah finna a dil, a chhe lai hmu fiah thei tur leh a siam ṭhat dan kawng hre thei tur chuan mihring thinlungah Thlarau Thianghlimin Lalna leh thuneihna a chan hmasak a ṭul ani.

.           TV, MOBILE & INTERNET.

[Deu 6:10-14, Jk 1:17, 2Tim 3:1-5]

1). Khawvel hmasawnna in a phur chhuah hmanrua te hi chhawr ṭangkai ve tur kan ni.

2). Nasa taka chhiat pui theih a nih avangin fimkhur tura zirtirna pek a pawimawh.

Thlaler ram, an vakvaina hmun aṭanga thutiam ram, Kanan bonghnute leh khuaizu luangna ram Isarel fa te a luh hun ah chuan an khawsak a lo nuam tawh ang a, an thawh chhuah ni lo, a awmsa tam tak chen tur an ni, Pathian in, 'Khaw ropui a nuam tak in cheng ve suh u' thilṭha awt nei ve tum suh u, bawng hnute, khuaizu, grep leh olive rah te in in ei ve suh u, a ti lo, fimkhur hle rawh u a ti zawk ani. Malsawmna hnar chu Pathian nge anih tih hi Isarel fe ten an theihnghilh a phal lo hrim hrim a ni

Chutiang bawk in heng khawvel hmasawn na lo changkang zel a hmanrua tha tak tak kan neih te hi kan ṭangkai pui ve hi Pathian in a phal a ni, amaherawh chu chhiat pui lo turin, 'Fimkhur hle rawh u' tih hi min zirtir a duh a ni.

Khawvel hmun tina Mobile phone hman a ni tawh a, tunlai hendset ṭha, khawlai ah tam tak in an ken vel te hi kum 40 liam tawh hnu a thla a an tlawk chho na roket khawl ai pawn thil a chhui chak zawk tawh a, thlalak leh flim bawlhhlawh tak tak te awlsam taka hmuh leh en theih na vek ani tawh, hna pawimawh thawk ni si lova, Tv leh mobile phone hmaah nitin darkar 3 aṭanga darkar 7 thleng hun hmang pha ṭhangthar kan tam tawh hle..

Internet kan hmang nasa tawh a, World wide Website, te hi hmun thum a ṭhen a hmun khat hi chu thil bawlhhlawh leh thiang lo te tarlan na thilng hial a sawi ani tawh a, a zawn awl na 'Google' ah chuan Isua Krista chanchin ai pawn Sex leh thil bawlhhlawh te a let tam a hmuh nghal theih ani, Hriatna a pumg chak em em a, nitin chanchin bu, New York times,Pathianni tuk khat chhuak a hriatna a ken zat hi kum zabi 18 huna mihring pakhat damchhung a a hriatna a lak khawm zawng zawng ai pawn a tam zawk tawh niin an sawi.

Kan ṭangkai puina tam tak a awm reng laiin, kan hriat tura pawimawh chu, inchhung leh biakin te a kan zir aia a let tam zawk Tv, Mobile phone leh Computer kal thlangin kan zir ve reng a ni, hriatna a pung chak in ṭhangthar te min vurkhum a, Bible chhiar leh inchhung thu hriatna kawngah tlakhniamna a thleng mek a, zirtirna mumal tello a, hmasawnna hmanrua te hman na aṭangin zalen lutuk a kan hman na ah hian chhiatna nasatak a thlen theih avangin, chhungkhaw tin siam ṭha tu turin kei mahni ṭeuh hi kan pawimawh ta ani e...

KA DUH EM A SIN.

     
Tichuan a nu leh a pa chuan a hnênah, “I unaute fanute zingah emaw, ka chite zawng zawng zingah hian emaw hmeichhia an awm hauh lo em ni le, Philistia-ho serhtan lohte zinga nupui tûr i zuk zawn tak mai?” an ti a. Tin, Samsona chuan a pa hnênah,“Mi neihsak mai rawh; ka duh em asin maw le,” a ti a.Roreltute 14: 2-3,Roreltute 14: 2-3,Roreltute 14: 2-3,Roreltute 14: 2-3,Roreltute 14: 2-3.

Kan tunlai khawvel hi kan hmu a, thil langsar deuh mai chu tumah min thununtu an awm lo hi chu thu hran ni se, mahni inthunun tum pawh kan vang ta reng reng maihi a ni. Nula tlangval kan ni emaw, nu leh pa kan ni emaw, naupang kan ni emaw, mahniinthunun mai tum hi kan awm ta mang lo a. Duh duha nun chaknaah hian an tuihal a.Tunlai tawngkam lar tak – It’s my life an tih hi a tak takin ka hre ve ta nual mai. ‘Keimanun a nia, ka thu thu a ni’ ti ngut ngut mai, ‘Dan a lal tur a ni’ tih tan chhan hian, ‘Right ka nei, ka dikna chu ka dikna a ni mai, tumah an inrawlh thei lo’ ti ngut ngut mai hi anva tam ta em. Kohhran pawh hian harhna kan beisei hi kan duh tawk, kan lo control theih tawk harhna hi kan zawng vek mai a. Harh lutuk pawh kan tlin lo, harh loh lutuk ahel lutuk pawh kan duh lo. Harhna nuam tawk vel hi kan zawng vek mai a. Kan nun kalmeka thil langsar ber mai chu kan duh zawng a lal ber mai hi a ni. Inawkhlum kan tamta lutuk te hi eng nge a chhan? A chhan ni bera lang chu kan nun hian ‘Ka duh em asinmaw le’ tih a ngah lutuk a, chuvang chuan nun zel peih lo-in mi an inawkhlum a ni bermai. A duh ang a hmu lo a, thih a thlang tih mai hi a tawi zawnga chhanna a ni.

Thalai rualte pawh hian rawngbawlna kan tih zawng zawng pawh hi kan duhzawngin kan keuh thlu vek a, Lal Isua duhzawng kan ngaihtuah thei tawh lo. Kan duhzawng rawngbawlna kan thlang tlat mai. Work Camp kan ti emaw, kohhran hnatlang pawh ni se hawhaw boruak deuh lo chuan kan tlin tawh lo reng reng. Tunge kal thei ang? tiin han inzawt ila, ‘A nuam ang em le?’ tih a ni deuh vek ta mai. Roreltute lehkhabu-a kan hmuh angin Samsona chu Lalpa mi, Lalpa hriak thih, Lalpan roreltu atana a thlan kha a ni. Philistia, hmelma kumhlun tudawltu a ni a, a hnathawh chu ropui tak a ni. Nimahsela a nungchang leh awm dan chu bawrhbang tak a ni. Anaupan tet atanga sam pawh met ngai lo, Nazarit mi an tih mi thianghlima khan Timna khaw nula chu nupuiah a duh ta em em mai a, a pa hnenah ‘Min neihtir mai rawh, ka duh em asin maw le’ a’n ti thlawt mai a nih kha. Pa-in a hnial thei tawh lo a, Pathian mi, roreltu Samsona tawpna chu mualphona a lo ni ta. ‘Ka duh em asin maw le’ tih hian Samsona nun chu a vaw keh ta vek a ni. Lalpan hriak a thih chhan a ngaihtuah lo a, roreltu-a a ruat chhan a ngaihtuah hek lo. Lalpan a kohna leh a dah chhan ngaihtuah lo-in a duhzawng laltir turin a inbuatsaih a, chu thil avang chuan mualpho takin roreltu, Lalpa mi chu a lo awm ta a ni.

Kan hnam, kan ram, Kohhranho hi engin nge min timualpho thin? Engin nge kan hmelte hi tichhe thin? Min tichhetu hi eng nge? Thenkhat chuan ruihhlo tam lutukte, corruption nasa lutukte, roreltu fel lo te – heng zawng zawng hi kan ram timualphotu an ti ang. Dawt a ni lo, a dik vek a ni. Nimahsela min timualphotu dik tak hi chu ‘Ka duh em asin maw le’ tih hi.

Mi thenkhatin hnam dangin min chim ralte an hlau em em mai. Hlau reng reng suh u. Mahni duh zawnga inchim ral mai mai tur hi kan tam ber zawk. Hawh u, kan duhzawng hi i thlak tawh ang u. Lalpa duhzawng eng nge ni tih hriat tumin, kan Pathian hmaah hian he ram leh hnam hi i thingthi tawh ang u. Eiru kan tih zawng zawng pawh hian eiru duh lo se khawiah nge an eiruk tehlul ang ni. An duhna hian a tichhe mek a nih hi. Duh kan thlang hnem ta a, kan duhzawng hian min tichhia a ni tih hi pawm ila,LALPA duhzawng eng nge tiin hun i hmang tawh zawk ang u.



_____________________________________

RILṬÂM HI PUARNA A NI.

Mihring, rannung leh thilhringte zawng zawng hi puar saa piang tumah kan awm lo, nu kawchhung aṭanga kan lo pian chhuah khan rilṭam leh tuihal sa in kan lo piang chhuak a nu hnute kan zawng nghal ani in tih puar na turin, chutiang zel a lo seilian in , taksa rilṭam mai ni lovin thiamna leh finna lam ah tuihal kan lo hre leh zel a, chu tuihal na atanga in tih puar na turin  thiam na kan lo zir chhuak ṭhin ani.

Hriatna leh finna lam a tuihal inhriatna erawhchu mi zawng zawngin an nei vek lo, chutiang lama tuihal te chuan thiam an zira, an hriat loh na leh baksamna te kha hriat tuma beiin nasa takin an ṭang ṭhin, mi thiam leh mi ropui tak tak ten an lo chhuak ṭhin, Amaherawhchu, tuihal nachang hre ve lo te erawh chuan an pianpui finna bak zir chhuah nei lovin an awm a, a tawp ah ṭhian te awt na in an khat ṭhin a damlaini hreawm ti tak in an hmang ral ṭhin.

Rilṭam leh tuihal hriat loh na hi thil pawi tak ani, Dam reng si a, natan rit tak tuar reng ang hi ani, Thlarauva rilṭam leh tuihal in hre tawh lo te bak a mi khawngaih tlak leh ngaihtuah awm hi khawvel ah hian an awm lo, chung te chu thlarau cancer vei an ni.

Natnate hi mihring tak thil ṭha leh lawm awm thlen tu an ni ṭhin,  Natna/damlohna aṭanga lo dam chhuak te chuan a dam sa reng te aiin lawmna tur an hre hnem bik a, An natna aṭangin thil tam tak an lo zir chhuak tawh ṭhin ani, tuarchhelna, hriatthiamna leh mitvarna te an lo nei a, lawmna thur hlir an hmu tawh ṭhin ani.

Mihringte hi a thiam leh a fing sa hlira piang ni ila chuan, thiamna leh finna hlutzia kan hre kher lo ang, Graduate leh degree nei sa veka piang ni ila chuan a hlutna kan hre lovanga lawm chhan tur pawh ka hre miah lovang, Pathian hnenah pawh lawmthu sawina tur kan hre miah awm love ti ru.

Chutiang bawk chuan natna te pawh hi nei miah lo ila chuan, Damna hlut zia kan hrelo vang a, Pathian hnenah lawmthu sawi nachang pawh kan hre tawh lo ang.

Heng te hi a hria a, Pathian pawn, na thei, rilṭam thei, tuihal thei tura a siam kan lo ni reng ani. Mihring pawh hi pian tirin a puithling sa in lo piang nghal ta ila chuan, a lawmawm lo hle ang, engang mihring nge a lo nih dawn tih nghakhlelna pawh a awm dawn bawk si lo, naute kan nih laia nu leh pa ten harsa taka min lo enkawl seilianna kha kan lo puithlin hnu ah puitling hlutzia kan rawn hre chauh ani,  chuan naute chu an lian hun tur kan nghakhlel a, eng ang mihring nge a lo la nih dawn tih te kan ngaihtuahna leh nghakhlel em em na  khan phur na leh lawmna min pe ṭhin ani.

Rilṭam nachang hre lo reng reng tura puar sa a piang te lo ni ta ila chuan,  christmas leh birthday hman a lo nuam tawh lo anga, awmze neilo in kan hmang ral mai mai awm e. Lawmna ni ah te rêng rêng pawh ruai hi boruak siamtu ber ani ṭhin a, rilṭam nachang hrelo vek ta ila chuan engkim hi a ho vek mai dawn ni.

Engkim hi nei vek ta ila chuan thilthar hlut zia leh lawmna chang kan hre hauh lo ang, thih tur hre tawh lo thil sual hlir hi kan ti tawh zawk mai thei a ni tih hi tu in nge sawi thei ang le?

Chuvang chuan Unau te u, na thei, rilṭam thei, tuihal thei leh beidawng thei a kan la awm anih chuan lawm zawk tur a lo ni e,  Heng te hi Pathian ram min la hruailut tu tur te an ni si a,

Lalpa'n a thu malsawm raw se.


_____________________________

HMANGAIHNA MAK

•°•💖HMANGAIHNA MAK💖•°•

❣Tabitha Malsawmkimi Infimate.

💞 Hmangaihna chu enge ni? Hmangaihna chu mi pakhat ah chauh a lang chhuak thei lova, mi pahnih inkara thil awm ṭhin chu a ni, hmangaihna chuan hlimna chauh a thlen lova, lungngaihna leh ṭahna hmunpui min thlen tu pawh ani nghal ani, chu hmangaihna chuan mi pahnih thinlung phurkhawm tu ani a, hmangaihna chu thil chi hrang hrang tamtak in a par chhuak ṭhin,

💞 Ṭawngkam a han sawi fiah mai sen tur chi ani lova, mithiam mifing te chuan a indawt tlap in an sawi thei a, nufa in hmangaihna, pafa in hmangaihna te leh nula leh thlangval te kar in hmangaihna, te zawng zawng min sawi ṭhensak ṭhin, mahse, a sawi zo thei leh a sawifiah em em, tih tur an awm thei chuang in ka hre lo, chuvangin chatuan nunna tura misual chhandamna tura "Isua thisen chhuak" ang em kha ni lo mahse, eng ti khawng zawnga kan lo sawi pawn, kan thupui 'Hmangaihna mak' tih hian kan khaikhawm vek mai dawn ani.

💞 Mi tamtak in an lo sawi tawh ṭhina, sawi pawh an lo sawifiah thawkhat tawh hle in ka hria, mahse kawlni chhuak anga ni tinin a thar a thara lo lang chawp zel ani si a,  an sawi hnem ang hian, an sawi fiah zo thei in ka hre chuang lo ani, hringnuna belh tlat ani a, mi puitling lam pan tawh te phei chuan pumpelh theih rual ani si lo, kan hringnun a thil lo thleng te zingah min ti barakhaih tu leh min khawih na tu ber ania, a chak ber bawk a, khawih theih leh teh theih ni lo mahsela, hun reilo te hnu a hringnun ti danglam leh vek thei khawpa chakna nei ani a, khawvela rosum kan chhuanvawr te ai pawh a hlimna min pe hnem zawk tu ani bawk.

💞 Hmangaihna hi a hlutna hriat a ṭul hle a, Hmangaihna hi awmin lang thei tawh miah lo sela chuan, hringnun hi lungngaihna in akhat anga, kan neih ro thilhlu leh thil mawite zawng zawng pawh hian, hlutna leh mawina an nei tawh bawk lovang, Hmangaihna der ni lo, hmangaihna thluantling leh mawi kan neih tawh chuan thildang mamawh dang kan nei tawh lo tihna ani, sawi mai mai ani lo, Hmangaihna tello chuan maw....., mipui sang tam tak zingah pawh, lungleng takin a awm theih a, mahni chauha awm anga hringnun hman theih ani, thinlai hnemtu tur awm lo chuan khawvel hi a ruak ani tawp mai ani,

💞 khawvel ah hian mihring tam tak awm mahsela, chung te pawh chu takchanglo, milem awmkhawm ang mai mai an ni, a ti mawitu leh a hluna hmu lo tu tan chuan, an thu sawi leh an thawm te pawh thawnthu ang mai in a ral leh zung zung mai ṭhin, mitin in hmangaihna kan pawimawh a, thuhril leh hla chang zawt anga zawt zo mai chi ani si lo, khawvel mi fing ropui leh thiltithei tak tak te pawh an nun in a mamawh ber zawk chu hmangaihna thiltihtheihna ani tho ṭhin, mi'n khawvel hi a pumin nei sela, a nunna chan si sela, a tan enge sawt ang? a tih ang khan, a hlutna chen tu tur leh a kawchhung lama anunna phur mawi tu tur ber hmangaihna a dawn si loh chuan engmahlo mai a chang zo ṭhin ani.

💞 Chutichuan, hmangaihna bat ang meuh a ruat kan ni si a, Hlimna chuai theilo chên a, in hmatawn a kan mawina neih ang te te a inhlan tawn tura siamtu kut chhuak te kan ni, Hmangaihna phurchhuak tu leh a dawngtu chuan, chhiar a fiah lo, ziak a fiah chuang bawk lo, a pâr tlan tur awm bawk si chu, a taka changin an chên tawh ang, chuta ṭang chuan hrungnun kawng tinreng ah hlimin a bul an ṭan tawh bawk ang, engkim takna bul chu Hmangaihna hi anih vang ani,

💞 Tuna kan sawi hmangaihna hi, mi pahnih ṭha bikriau, dem kai lo, engkim a tling te leh ro-sum tam tak neih vanga inkawp te tan ani lova, mi tlinglo ve ve te'n kan thlin lohna in hriatthiam pui theih a, an lungngaihna leh an harsatna indawmkang theihna hmuna an hlimna in chên tawnna chu ani, chuvangin, hmangaihna Hmangaihna thluantling chu mi pakhat chauhva a famkim theih loh avangin mi pahnih pum khata in siam te nunin a phur chhuak naah chuan a famkim thei chauh ani.

💞 Hringnun chanchhung reilote ah hian, siamtu'n Hmangaihna ziareng tam tak min thuhruk sak a, chu hmangaihna chu mita hmuh mai theih chu ni lo mahsela, thinlung ngaihtuahna erawh chuan thlir phak loh anei ngai si lova, damchhung ni thlakhlelh na tur leh, mihring te ti hlimtu tana ruat ani tlat, chuvangin he thil hi hreh tur ani lova, Hmangaihna chungchang ah phei chuan thilpek pawh hian a lutuk a nei si lova, Ṭawngkam, chetzia leh thil engkim hi thil hlu in a chantir a, mi pahnih inkar hlataka awm pawh a hnaih tir ṭhin, kum upat hnu pawn pahnih chu inlaichinna ṭha a siamsak a, phutletna nei lovin hriatthiamna leh finna a siamsak a, amaherawhchu, he kawng hi harsatna palthlang lova thlen theih erawh ani lo, harsatnain a chenchilh reng zawk ani..

💞 A chenchilh tih vanga lungngaia in dawmkun reng mai hian awzia erawh a nei chuang lo, Harsatna lo thleng te hian Hmangaihna chu a ti hlu thei chauh ṭhin zawk a ni, khuaizu in tur chuan tuar angai, tih anih si avangin,  hmangaihna vanga thik na leh thikthu a lo awm te hi alo ava ṭha em! He thil hian mihring te a ti hlu zual a, kan kar a ti hnai tlat, lo awm lo ta sela chuan, nun thlahzal leh ho lutuk in kan awm dawn si a, mihring in kan tuar loh tur thil kan ti chhuak anga, chhuak thei tawh lo in chhiahhlawh ah kan in siam vek mai dawn ani, chuvangin, Hmangaihna hi thlir a chhut chet chet hi a ṭul ṭhin., vervekna tello hmangaihna dik leh mawi neih loh chuan khawvel leh a kawchhunga thil awm zawng zawng te, chân theih anih tlat avangin.

💞 Entirna'n, hmangaihna thluantling chên theilo te chu, minute reilote chhung ṭawng theihna hun nei sela, thinrimna thu leh lumgawilohna na thu in an rawn ti tawp anga, hmangaihna thluantling nei leh inngaidam tawn thei te erawh chuan, hmangaihna thu thlum takin an ti tawp ve thung ang, hmangaihna chuan hun a tlakhlelh tir theia, thinurna chuan hun a neih chhun pawh tlakhlelna a neih tir chuang lo, hmangaihna aia chak zawk mihring ah hian eng thahrui mah a awm chuang lova, hmangaihna thahrui chuan khawih phak loh a nei ngai lo, a thuk zia leh a sanzia, a thiltihtheih zia, a chakzia leh a zau zia hretu chuan, a tan khawvel thar a êng ani tih a pawm tlat a, famkim lohna khawvel ah hian famkim theihna awm chhun hmangaihna chu a pawm tlat tawh ṭhin.

💞 Amak chu anih hi, ziak a fiah lo, chhiar a fiah bawk lo, sawi tawh tih pawh awm thei lova sawi nawn fo ngai, en tawh sa tih awm thei lova en nawn reng atana duh awm, hmangaihna mit tih thu hi ka la belh leh lawk ange😇 hmangaihna chuan mit meng mawi a hre hle a, mit leh mit in tawk a, mit chhir a en te, chiang lo ruaia en thlengin, a hlimna tawk a hmu ve thei tlat, duhthusama fiah tawk a en a, in hmuh tawh hnu phei chuan, eng thu mah sawilo pawha a famkim thawk khat tawh ah a ngaih thei tlat, hringnun hian beidawnna a tawk a, dan rual loh thihna thlan khur thim luh thlengin, hmangaihna chun nun sawifiahna nung reng ani si a.

💞 He khawvel ah hian tu fa mah a piang nawn tur an awm si lova, chuvangin, Hmangaihna mak chanchin hi tu te karah mah a teh ateh theih chi ani lo a, ramri kham sak a, hei chen bak i pelh tur a ni lo, tih chi anih si loh avangin, hmangaihna teh theih loh, a ramri kham sak theih ni bawk lo chu, hreawmna leh tuarnain a chhem reng a, ṭah na leh nuih na te pawn an kiansan chuang lo, mi zawng zawng chuan hmangaihna chu an pumpelh lova, a hmun ah a chiang a, a bawihah tang vek kan ni ti ila, kan sawi sual kher lovang, hmangahna bawih ata chhuak tawh te chu, beidawng chunga nui a, beidawn na leh lungngaihna khawvel in hmalam a pan pui mek te an ni si a.

💞 Chu hmangaihna chu pangpar mawi tak angin a lang chhuak ṭhin a, a chheh vel ah chuan nun harsatna leh phurrit na ten a phuar vel a, a laiah thildang tibuaitu awm lovin amah chauh in a awm a, Beisei na in ahma a hruai a, a hnung lamah hriat fiah na in a um zui reng bawk a, hmalam ah thluang tak leh zalen tak kawng zawh tur awm mahse, hmun chhep na leh bumboh tak tak ah a tla lut fo ṭhin, a hnuai lam aṭangin hreawm na leh thlamuanna in a dawmsang reng bawk a, mahse hlauhthawnna leh thlaphanna, rinhlelhna ten a chungah thla an zar reng bawk. a mit ah chuan thil engkim te hi mawi tak in hmu vul reng mahse, mit khap khar chauh pawh in chu thil te chu a hmu chuai leh thei vek bawk, hmangaihna chuan nihna tamtak anei a, a luhchilhtu te mak tih a hlawh a, hringnun zawng zawng ti danglamtu ah a ṭang ṭhin, mi tamtak in, thil hlui te hnuchhawna, damlai nun bul an ṭan thar leh na ani fo ṭhin.

💞 Chutiang zel chuan hmangaihna chu hringnun tana hun ṭha tamtak khawhral sak tu ah a ṭang ṭhin a, nimahsela, beiseina bawm anih zia a lan na turin, thil tamtak tih kiang sak tu turin a ring nawn leh fo ṭhin, hmangaihna chuan pianpui unau ngah hle mahsela, a zawn ber hmangaihna bul ah lo chuan thlamuanna tak tak a hmu ngailo ani, hmangaihna chu hringmi za tam in insem dar ṭhin mahsela, muanna leh thil thluantling chen theih na tur chuan, mi pakhat tan chauh a nun pumpekna ani.

💞 Awle, hmangaihna lan chhuah dan kawng tam tak kan sawi tawh a, kan sawi hnem apiangin a thuk zia kan sawi pha lo tulh tulh bawk, eng tina sawi in nge a thil tih dan kan sawi fiah theih ang le? Hringmi te zingah hian, hmangaihna hna thawh dan a in ang vek ngai si lo, sawi zo theih lo ani ber in ka hria, mahse, mi zawng zawng mihring taka min siamtu hmangaihna hna thawh ani miau si, eng ti ang kawng a sawi pawn a hna thawh lan dan hi chuan, thling a pawn tho a ngai ta ani, Hmangaihna vang chauh hian ani, hringnun kawng chhuk leh chho, retheih lai leh hausak lai, bawrhsawm lai leh hrisel lai pawn nuam taka hringnun lamthluang kan zawh theihna chu.

💞 Chutichuan, hmangaihna vang bawk chuan hringnun hi tlakhlelh na leh beiseina thuk tak min neih tir phah bawk ṭhin a, hmangaihna hna thawh tello chuan nun  ruak, nun khawharh ah a chang ṭhin si, chuvangin, hmangaihna hna thawh dawng ngailo mi phei chuan, nun thlaler, nun rou a nei fo tur reng ani, mihringte an phu tawk ang zela mawina pe tu leh parmawi chhuah sak tu hmangaihna hi ani ṭhin a, puitling tawh te pawh lawma hlimna avangin, ding chen pawh a ke akhai tir theih tlat, a hna thawh hi ngaihsam mai theih che ani lo a,  hmangaihna hna thawh avangin khaw ropui tak tak a lo tlu chhe tawh ṭhin a, ram tam tak pawh a din chhuak tawh bawk, milian leh mi te pawh a thlir hrang lova, mi zawng zawng angkat a kan leng dun theihna ber a ni. Lal ropui tak hmangaihna aiin mi rethei tumah hriat phak loh hmangaihna pawh a ngainep thei bik chuang lo a, harsatna leh hringnun bui tur lakah pawh a hringnun a kai hruai thei tlat.

💞 Chawlhna hun nuam ah chuan hringnun a hruai ṭhin a, sal tanna hmun tinreng ata pawh a hruai chhuak fo ṭhin, hmangaih leh hmangaih inkar nun inpek tawnna, lawmna hna thawh chuan an lalṭhuttleng pawh aui an awm ngai lo, an chan phah hial ṭhin reng ani, chu mai bakah, mi tamtak nun a ti buai a, nun thluanglam ti bovin thinlung a ti danglam a, duh loh ram thlengin a nun a chan phah hial ṭhin, heng hmangaihna avnga fam chang tawh te hian, hmangaihna ropuizia an ti lang a, nun martarna hmun an pel zo tlawt lo a ni, chutiang hmangaihna hna thawh chu sel a, hnawl sak vek bik mai thei tur ani lova, hmangaihna hna thawh chu a diktak leh a diklo ber ṭhen fel theih anih loh tlat vang ani, hmangaihna chuan a mawi a mawi lo a thlir hrang lova, a lan dan phawt chu a tan chuan a mawi hlei hlei vek zawk ani.

💞 Chutichuan, hmangaihna chuan mi chak chakna chu a lak sak a, mi huaisen a ti tlawm ṭhin a ni, lipui thuk tak ai pawn a thuk zawk a, khandaih hriam tawn eng eng ai pawn a hriam zawk a, an duh duh loh thu dawn lovin mi a ti țap a, ṭap lai a ti bang thei bawk, ei leh in pawh zawng peih lovin mi a awm tir reng thei bawk a, zan mut tuah lovin suangtuahna'n ruam tin a fan pui ṭhin, hmangaihna chu thilhriam chi hrang hrang angin a lang chhuak ṭhin a, in dona hmanrua leh, remna silhfen a tling reng bawk a ni.

💞 Hmangaihna chu zawhna in a khat a, chhanna pawh chuan a kalsan chuang lo, amahah chuan hnamtin in zalenna an chang thei a, amahah bawk chuan mitin in an in leh lo, an nunna hial pawh an chan ngam bawk ani, chungtichuan, hmangaihna chu lei leh van ti mawitu a ni a, kan ngaihdan leh duhzawng te lo la chhuak ṭhin tu a ni bawk, mihringte hlutna ti langtu ani a, hmangaihtu leh hmangaih te karah hmun ruak luah khat tu a ni, hmangaihna chu tihchilh nun a tih lan a ni fo ṭhin a, in thihchilh ringawt kha ni lovin, hmangaihtu in a hmangaih tana hmangaihna a tih lan laia a hmuh leh a ngaihdan tak kha a ni, khatiang thihchilh ngam na leh duhna rilru kha hmangaihna tih lanna hmanrua a ni ve tho ṭhin si, a duhsam leh a chan a duh ngawih ngawih a chang pha tawh si lo avangin, a tan tih ngei ngai a ngaih ani ṭhin a, a tih dan chu a tan chuan a dik hle tho ṭhin ani.

💞 Chutichuan, a mihring pui te lakah mahni in that mi ṭhalo a hlawh a, a hmangaihna pawh chuan hmangaihna nunrawng a hlawh phah bawk ṭhin, kan thlahtu Adama leh Evii chungchang ah pawh kan hmu a, Adama chu, Evii-in Pathian thupek a zah zo loh avangin ânchhe ram ah a kalsan tawh tih a hriat loh pawh ni lo, a hrelo der ngam tlat vangin hmangaihna vangin thihna ah a lutchilh ve tawp anih kha, chu hmangaihna chu tunge ramri hman sak thei kan awm ang? Chuvangin Adma leh Evii pawh kha hmangaihna tak tak chang hmasa tu an ni a, an hun tawpna pawh hmangaihna tih lanna ala nih tho kha, a dik zawk nia hriat vanga engkim a ṭul anga zela tuar ngam, nunna hial pawh ui zo lo khawp in hmangaihna hian mit alo nei ani, chuvangin tun lai hun thleng ah pawh, chungang hmangaihna tuipui a tuk em vang leh lipui a lian em avanga raltiang thleng pha tawh lo nun nei hmuh tur an awm fo reng a ni, chutiang hmangaihna lana leh thihchilh nun nei te chu an che mawi hman lova, hmangaihna avangin mahni hma ansial a, an dawn kim hman tawh ngai bawk lo ani.

💞 Phutlet neilo hmangaihna chanchin tawi han belh leh lawk ang u, Titanic lawng lian, tuipuia a pil dawn khan, chhanhimna lawnga ṭhuthmun rem tawh hnu pawh, a chang pha ve lo te hmangaihna avangin, an ṭhutna te kalsan in, tuipuia thi turin an zuangtla sep sep tih kan hriat kha, tiang hian ka ngaihtuah ṭhin, an chhanhim te lak ah phutlet nei miah lovin, hmangaihna ah luangral an ni tawp mai tiin, sawitur ava tam duh em! Lal Solomona rorel laia hmeichhe pakhat ṭawngkam pawh kha le! Thinlaiah a cham reng ṭhin, Samari ram ṭam nasat laia hmeichhe pahnih fa an in chuh a, 'Naute chu a thih aiin ani'n nei mai rawh se, tia sawi na aw kha, damkhawchhuah na tura hmangaihna aw mawlh kha, ngaihtlak ava hahdam tak em! Amawi ka ti tawp thei lo.

💞 Chutiang bawk chuan, hmanlai a Lalnu Estheri pawh kha, a Juda chanpui te thih aia thi ngam khawpa phut let neilo hmangaihna luhchilh in, Lal Ahasuera hma ah a lan meuh chuan, a thiltum ber a sawi hma pawn, rangkachang hmawl khaikang in a lo hmuak a, a ram chanve meuh pawh pek phalna in a lo lawm lut anih kha, hmangaihna feh chhuak pui tu chuan, hmangaihna bawk a lo hawn leh a, khawvel a dam phah ṭhin a ni, chu chauh pawh ani lo, lal ropui tak Solomoa pawh kha a hmangaih, Sunam nula zawngin zan ah a lal silfen phelh in, Jerusalem kawtthler a fang vel a, 'aw Jerusalem fanute, Ka duhtak chu in hmuh chuanin Hmangaihnaah ka uai zo tih rawn hrilh r'u.a ti tawp mai ani, aw...Pathian thiltlawnpek ropui lutuk ringawt mai,  hmangaihtu in ahmangaih tana a inpumpekna hlut zia leh ropuizia, hmangaihna thil tih hi tu in nge sawi zo thei reng ang,? HMANGAIHTU LAWMMAN CHU HMANGAIHNA ANI SI A.

The End.....
____________________________________

HAPPY BIRTHDAY

I Piengcham hmang thei a i awm hi ka lawmpui takzet a che, Lalpa'n Daniala angin venghim che sela Mosia angin duhsak che sela, Isaka angin malsawmna dawngla, Elijah angin i țawngțaina chhang che raw se, A mi Israel te ral a do sak țhin angin nangpawh Lalpa'n i hmelma te do sak che rawse.

Lalpa'n malsawmna tamtak in hruai zel che sela, Dam vawng vawng la, mi te tanmalsawmna ni zel turin i thiamna leh i finna te i hriatna te kha hmang țangkai zel ang che aw...

HAPPY BIRTHDAY 💃🏻
🎊🎉🎀🎁🎈🎉🎈🎊

HAPPY BIRTHDAY

Vawiin ni läwmawm tak i piancham hi hlim taka hmang tur che in duhsakna ka hlan a che.

sakhmel mawina leh ṭhatna phen a, i nung chang mawi tâk, dik nâ ṭe, hawihhawmna te, midang  tana i in pekna ṭhin te kha vawng nung zel fo la, khuanu malsawm tlakin i hringnun hmachhawn zel fo ang che.

Vawiin i piancham phaphak lo thleng ah hian i kiangah awmin, i kut vuan in lawmpui nâ chibai buk theilo che mahila, ka thinlung zawng zawngin ka lawmpui takzet che a sin

I hma hun lo kal leh zel tur ah, hlimna leh lawmna te'n i nun ah hmun chang se, khuanu malsawmna tinreng dawng in hlimni lo chhiar mawlh ang che tiin duhsakna ka hlan a che.

      

HAPPY BIRTH DAY

 

Ipiancham pha ilo thleng leh thei hi thinlungtak in ka lawmpui ache.
 
 Hlimna tam tak nen hun hmangtur in ka duhsak chea,khuanu in vengin leimalsawmna leh vanmalsawm na dawng turin ka duhsak ache,lungngaih na ten inun ah hmun changlo se,hlim la,lenrualte min tihlim zel ang che aw?

Ihmaw ka ṭhian he hun thlengtheia damna leh hriselna pe tu che hre rengin ipiancham lawm turin ka ngen ache,karmah hla se ithaikawi in min tihlim ṭhin mange
i țhenrual zawng te tan mawiin vul zel langin,ithiam na leh theihna thaikawi hmangin in awi zel ang che

   HAPPY BIRTHDAY KA ṬHIAN🎂🎂🎂🎂

HAPPY BIRTHDAY

     
🎂🍮🎂🍮🎂🍮🎂🍮🎂

Vawiin i birthday ni ah hian itan beiseina thar lo ni sela..i lenrual zawngte hmangaihna leh duhsakna chuan thla-zarin a awmpui zel ang che.

I tan natna te chuan hreawmna te pe lo che sela.Nilenga i hun i hmanna tur ah hlim hmel pu reng thei turin..Van malsawmna te chuan malsawm che se la..Lei malsawmna pawn malsawm che rawh se.

🎂Happy birthday🎂

PATHIAN CHU PATHIAN ȚHA A NI. SERMON

Sam 116:12 Ka chunga a thiltih that zawng zawng avâng hian LALPA chu eng nge ka pêk ve thung ang?

Kan Pathien hi Pathian nung, engkim tithei, engkim hria, khawi hmun ah Pawh awm, danglam ngailo, thianghlim famkim, Pathian nung chu inlaichinna neih pui theih ani, Hmangaihna anih avangin A hmangaihna chuan leilung hi a tuam a, amah nena in laichinna nei te phei chu a hmangaina avangin a duhsakna zawng zawng dawngtu te kan ni, Pathian chu hmangaina anih avangin, (1johana 4:16) thilṭha kan tana ngaihtuah reng ṭhin tu Pathian ṭha chu a ni, sam ziaktu chuan Pathian chu Pathian ṭha ani tih hrechhiang in, 'Nang chu i tha a, thilṭha i ti bawk a, i thu ruat te chu mi zirtir ang che. (Sam 119:68) a lo ti ani.

Mihringin ken chan ṭhatna te zawng zawng hi kan theihna vanga kan neih/chan reng: kan finna, rem hriatna leh thiamna na vanga chan ṭha leh thilṭha dawn tlak reng nia in ngaihna hi a awl takzet a, Pathian nena in laichinna nei lo te phei chuan an nih dan tur reng emaw an ti a, Pathian mi te pawn Pathian ṭhatna kan hmuhfiah loh chuan mihring theihna hmuh lian hi a awl kan ti zawk ṭhin, Pathian ṭhatna kan hmuh fiah si loh chuan Pathian hnenah Pek pawh thil harsa tak ani thei e...Pathian hnenah pek ve tur in hril pawh bat khawn ang deuh pawn a awm thei a, kan pek pawn, pek tur anih vanga pek ni in keinia lawmna awm chuang si lova awm thei ngai ani, Mi in Pathian ṭhatna hrechiang si lova a taksa leh a nunna Pathian ram tan a pek chuan a thiltih leh a hahna ah chuan a uang in a chapo thei a, mi chunga awm ah in ngai in, mi zawng zawng aia ti tam zawk bik ah in ngaihna pawh a awm thei.

Pathian ṭhatna hmu lova Pathian hnenah pek ve na lam pang a phut mai hian mihring theihna bawk chhuang a awl hle a, mihring theina chhuang a kan pek chuan pe tawh viau a in ngaihna te, mahni in kan pek zat miin an pek ve loh chuan uang riau na te, pe tlem ah ngai te hmuhsitna te leh pe tam tih tam bik a in ngai a chapo na te neih theih ani bawk ani Sam 116:16 ziaktu hi chuan Pathian hnenah pek ve tur a ngaihtuah ruai mai a, chutianga a awm chhan chu, ka chungah a thil tih ṭhat zawng zawng avangin ...tiin Pathian chu a ṭha a, a chunga a thil tih pawh a ṭha anih tih a hriat chhianna vang ani, Pathian ṭhatna leh a chunga a thil tih ṭhat a hriat chianna chuan a nun ah pek let ve lo theilo na a rah chhuak tir ani, Pathian ṭhatna hmu fiah a, hrechhiang a pe tu te nun chu a uang ve ngai lo hrim hrim a, an pek an hrereng lova, an kut dinglam in a pek chu a veilam in a hre ngai lova, (matthaia 6:3) an pung tulh tulh a, (thufingte 11:24) an chungah Pathian nung pawh a lawm ṭhin.(2korinth 9:7)

Mi in Pathian ṭhatna a hriat chuan a chunga ṭha em em Pathian chu a hmangaih let ve em em tak avangin a hringnun, a taksa thleng pawh Pathian hnenah pe in engkim a hlan fai vek duh ṭhin, heng mi te hi Pathian in nasa taka a hman theih te an ni ngei bawk ṭhin, heng mi te chuan chân a ngaih chuan an chân ngam a, tuar a ṭul pawn an tuar ngam ṭhin a, martar thleng pawh an lo chang na ram chu ani (2tim 3:12, 1pet 4:14-16. thup 6:9-10) chuvangin, Pathian ṭhatna chu hriatchian leh zual i tum ang u a.. pek na lam a pawh kan luang chhuak zual dawn ania...Pathian pek let vena nun leh in pumpekna hringnun hian Lalram a tung ding a, Diabol dodalna a țhiat darh a, Pathian ram a thlen tir zel anih tih hria in puithling zel na nun ah kan kal dawn ani....

PATHIAN ṬHA CHUAN MIHRING TE A HMANGAIH.

(The good God loves mankind)

[Johana 3:16, Rom 5:8, Efesi 2:4,5. 1Johana 4:9-11]

Mihringte chu sual a tlu tawh hnu kan ni: Thlah tu bul te chuan an mahni duhtlanna ngeiin Pathian laka an lo hel tak avangin mihring te chuan siamtu duhdan reng pawh ngaihsak thei tawh lovin mahni tisa duhzawng anga khawsa-in Diabola thuhnuai ah chuan kan lo awm vek tawh a, (Efesi 2:1-3) kan hringnun hmandan reng ah chuan Siamtu ngaihsakna dawng tlak kan ni tawh lo, Mihring thlarau chu thi a lo ni tawh avangin Lalpa Pathian chu a hmu thei tawh lova, Pathian chu thlarau ani, Amah hmuh tur chuan Thlarau leh tihtakmeuh chauh a hmuh theih anih avangin (Johana 4:24) mihring thlarau thi tawh chuan Pathian Thlarau chibai bukin a hmu thei tawh lo ani, Mihring thlarau chu thi anih ang bawkin mihring taksa chung ah pawh thihna chu a lo thleng ta ani.

Pathian nen in laichinna nei tawh lo mihring nun chu Diabola rorelna hnuai ah a awm avangin a khawhlo hle mai tawh a;  mihring thinlung pawh a chhe hle bawk a, (Jer 17:9) Lalpa lawmzawng ai chuan sual hlir mihring chuan an ngaihtuah ta a,  (Gen 6:5) mihring thinlung ṭha lo tawp chuan mihring nun a ti bawlhhlawh ta ani (m,arka 7:20-23). Hemi avang hian khawvel hi buaina in a khat zova,  in thah na, in dona, rukru, in hmelmak na, thlemna leh sualna zawng zawng chu a lo pung zel mai ani, chutiang khawp a fello lo ni tawh mihring te chu Pathian hmangaihna dawng tlak an ni tawh lo reng ani, Pathian in mihring te chu a hmangaihna chhan tur a awm thei tawh lo, mihring nun chuan Pathian tak chu hmelhriat tawh lovin sakhua na kawng chu kawng dik ni dawn ah an ngaih te chu an zawh a, nimahsela chu kawng chu adik ni awm tak in lang mahsela a tawpna chu thihna ani...(Thuf 14:12)

Sual a tlu tawh hnu mihringte chu Pathian in a hmangaih: Mihring hringnun en in duhsak tlak leh ngaihsak tlak reng ni tawhlo mahsela Pathian chu hmangaihna anih tlat avangin chu hmangaihna chuan mihring chu duhsak in a ngaihsak lo theilo ani...Pathian chu diktak a roreltu (God of justice - Isaia 30:18) ani a, a rorelna chu a dik tlat avangin sual chu a ngai thei lo hrim hrim a, mihring sualna chu a ngaihsak lo theilo ani, Pathian chu thianghlim famkim (Sam 99:3) a ni a, sualna leh thianghlimna chu an in milh lo tlat avangin Pathian chuan mihringte chu hmangaih hle mahsela a angchhung ah a pawm mai thei tawh lo a, hmangaih hle mahse an sualna avang chuan mihring chu rorelna diktak avang chuan a hrem a ngai si a.

Pathian chu finna a khat ani a (Rom:33) Pathian hmangaihna chuan hrem ngai mihringte chu a hrem duh loh avangin mihringte ai awh a hremna tuar tur leh mihring in an sual vanga an thih tur aia thi turin Pathian in a Fapa neih chhun Krista Isua chu khawvel ah a rawn tir a, Pathian ngei chu mihring anga rawn insiam in Fapa Isua Krista ah chuan Kalvari kraws ah khawvel mi zawng zawng sualna chu phurin kan ai a lo tuarin, a thi ta a, mihring sualna chu Krista Kraws-ah chuan hrem in a awm tawh a, Pathian rorelna diktak chuan fing takin mihring sualna chungthu chu a rel fel tawh ani, Mihring lampang na miah lovin chatuan damna chu Lalpa Pathian chuan a lo buatsaih vek tawh ani.

Tunah chuan Pathian in khawvel chu thiamloh a chantir tawh lova, Khawvel chu amah nen inrem a siam in, Krista Kraws avngin mihring bawhchhiatna chu bawhchhiat na ah ngaih sak tawh lova (Isaia 43:25, 2Korinth 5:18-19) A hnenah rinna avanga kir leh taphawt chu a angchhung ah a lo pawm a, a fa te ah alo vuah zel ta ani, Pathianin mihringte a hmangaih em avangin a khawngaihna chuan dawng tlak lo te chu Amahah  chawlhna ropui tak chatuanna nunna chu a tlawn in min pe ta a, aring aping tan chuan damna tluantling alo ni ta, hmangaihna a khat Pathian chu Pathian ṭha ani, ava thlin em em ve aw......!

PATHIAN ṬHA NEN IN LAICHINNA NEI TU TE CHU AN CHAN A ṬHA.

[Gen 6:8, 39:21, Exo 2:25, 33:12, 1Samuela 2:26, Thuf 12:2, Luka 1:30]

Pathian ṭha nen inlaichinna: Kristian na hi sakhua na a ni lova, Pathian nen inlaichinna ani, an ti ṭhin, Kristian na hi Bible kenga inkhawm a kal na chauh pawh ani lova, kan inkawm na chhan tak chu Pathian nen englaipawha inlaichinna ṭha neih hi a ni, Pathian ṭha nena inlaichinna ṭha neih tur chuan ahmasa bera pawimawh chu Thlarau-a nunna ani,

Pathian kan rin kan tih hi nunna nei khawpa ring nge kan nih leh, anih loh leh a chang chang a kan hriatna kan rin ve mai mai nge anih tih hi ngaihtuah a ṭul a, hmeichhia in pasal a neih tawh chuan a pasal hnenah chuan a in pe a, a damchhung a rinawm a, a pasal nena nun hmunkhat tawh tura a thuthlukna an siamfel ang khan, Pathian kan rin chuan kan hringnun a hnenah in pe-in, damchhung leh chatuan thlenga kan kan duha kan kawngzawh pui, nun pui turin Pathian chu kan thlan fel angai, kan duhdan ni tawh lova a duh dan amah nen nung tuara kan in zawh fel chia hun ah chuan nunna tam tak nen kan lo nung chhuak ṭhin ani...

Amah nena nung hmunkhat duh si lova, kan sual man bat min tlak sak na chauh duh hlur a, kan awi a, mahni chauhva nun kan la tum reng anih chuan Pathian ṭha nen inlaichinna kan nei thei ngai lovang, sakhaw mi Kristian chuah kan ni thei dawn ani, Pathian ṭha nena inlaichinna ṭha nei te reng reng chu engkim ah Pathian nen an leng hmuhkhat tlat avangin an mahin an awm tawh ngai lo, an rin Pathian an hriatchhian na chuan hah chawlhna ṭha a pe a, harsatna, beidawnna leh mangangna ah te pawh an in laichin pui Pathian chu an hriatchian em avangin an nun a chau mai ngai lo, Pathian ṭha nena inlaichinna ṭha nei te chu Pathian chungchang chauh hria an ni tawh lova, Pathian ngei chu an nun in a hrechiang tulh tluh ṭhin ani.

Pathian inlaichinna neih pui tu te chu a duhsak avangin an chan a tih ṭhat sak ṭhin: Genesis 5:22-24 ah chuan Enoka chungthu sawiin a awm a, Enoka chu kum 300 Lalpa nen an lengdun ṭin, Lalpan thihna tem ve lo turin Enoka chu a la ani tih kan hmu a, Enoka nen Pathian inlaichinna hi a thuk in ava ril dawn tak em..! Kum 300 Lalpa nen lengdun tawh chuan Enoka chuan Pathian chu a va hrechiang tawh dawn em..! Pathian in Enoka chu nung chunga a hnenah a hruai mai hi ava duhsak em em ve..!

Mosia pawh kha Pathian nen inlaichinna thuk tak an neih avangin a tak ngeiin Pathian ropuina hial pawh a hmu anih kha, (Exo 33:18-23) Pathian duhsakna ropui tak dawngin Mosia chu Isarel mipui ṭhuaitu ropui tak a lo ni. Josepha pawh a hnenah Lalpa a awm tlat avangin Jail ruam thim ah dinhmun ṭhalo tak aṭangin ram roreltu lian em em Farawa dawt chia a dah chho in a awm (Gen 41:37-45) Abrahama pawh Lalpa kohna chhangin (Gen 12:1) Lalpa nen inlaichinna nei a Lal kawng a zawh avangin Khawvela Pathian malsawmna ropuitak hnam tin thawveng na thlen tu a lo ni...

Bible chhung zawng zawng ah hian Lalpa nen inlaichinna ṭha nei te chan ṭhatna hi a lang ani, Pathian nen inlaichinna ṭha nei tu te chu leilung ah an damchhung ni ah ngei pawh Pathian in a chawimawi ve ṭhin a, Thlarau leh taksa malsawmna te pawh a ṭul ang zel in a pe ṭhin tih hi a chiang hle ani, Pathian ṭha nena inlaichinna ṭha nei tu te chan ṭhatna chu khawvel damchhung ni atan chauh ani lova, chatuan thleng daih tura malsawmna ani a, chatuan chatuan a ropuina ani, Rangkachak lunghlu chitinrenga chei chatuan khawpui, chu tah ngei chuan nisa pawh a ngai tawh lova, ṭahna awm tawh loh na leh chatuan a Lalpa nen chengho na hmun chu an chang dawn ani, Pathian ṭha nena inlaichinna ṭha nei tu te chan tur hi hrechiang ṭheuh ila chuan tunge Lalpa bel mawlh mawh lo tur awm ang? Tunge a hringnun chawlh hahdam lo vang a? Khawvel mi lian mi lal te inlaichinna neih pui pawh hlawkna anih chuan, chatuan Pathian nung chu a ṭhat em avangin Amah nen inlaichinna ṭhatak neih chu chan ṭhatna chungchuang ava ni dawn em...!

PATHIAN ṬHA CHUAN MI TE MAL ASAWM NA TURIN THU A THLUNG TA.

[Sam 105:8, Jeremi 31:31-34, Matthaia 26:28].

Thuthlung: Pathianin inlaichinna Amah ringtu te a neih pui duh dan hi ngaihtuah tham a thling khawp mai, Pathian chuan, engkim chungah thu neitu anih vangin, Amah lam in phut ve lovin keini, Amah ringtu te chia hi a laka rinawm turin min phût se pawh a awm tehreng nen, keini chauh min phût lovin Amah pawh a ringtu te laka rinawm va tlat tur in min tiam ve tlat a, Amah lam chuan abel tu te tana rinawm tura in peih hmasa-in inlaichinna thuk taka min lutpui ta ani.

Mi pahnih karah inpumkhat tlat tura thutiam a awm tawh chuan thuthlung ah a awm tawh tihna ani, nupa pawh thihna chauh lo chuan inṭhen lo tur in an intiam a thuthlung ah an awm tak avangin inlaichinna thuk tak a an lut ta tihna ani, chung chu, lei leh van siamtu Pathian ṭha chuan chatuan thlenga min ṭhen lova kan tana rinawm turin thu a lo thlung ta a, keini pawn chu thuthlung chu pawm a kan lo inpumkhat pui tawh chuan Pathian thlamuanna thuthlung ah chuan chatuan thleng atan Pathian nen chuan thu kan tiam tawh ani.

Isua thisena thuthung thara chuan kan awm ta a, chu thuthlung ah chuan kan sualna te ngaihdam na chu kan hmu a, Krista felna silfen chuan min thuam ta a, Pathian felna meuh lo ni ta in Pathian chu hlataka awm ni tawh lovin kan Pathian lo ni in ami te kan lo ni ta, thuthlung chuan Lalpa nen Thlarauva min zawm tawh avangin thlarau ah chuan Amah nen inpumkhat in min siam ta a, (1Kor 6:17) chu inpumkhat na avang chuan engkim ah Pathian ta kan ni a, Pathian ta te pawh chu kan ta ani tawh.

Thuthlung a awm te chan malsawmna: Genesis 12:1-2, 15; 17:1-14, a te kan en chuan Abrahama-a ṭangin khawvel a hnam tin an thawveng a, a malsawmna an dawnna tura Pathian remruatna kan hmu a, Abrahama chu Pathian in a ko chhuak a, a hnenah thu a thlung a, mal a sawm ta a ani, Pathian chuan Abrahama tana rinawm tlat turin thu a tiam tak avangin Abrahama thlah te Isaka leh Jacoba leh Isarel hnam sawmpahnih te chu a malsawmna in a ṭhuai a ni, Isarel kha Pathian thuthlung a awm anih vang khan zanah meiin a ṭhuai a, chhun ah chhum in a ṭhuai ani, an mamawh engkim pe in kum sawmli thlaler kawng an zawh lai pawh khan an silfen te pawh a chul lovin an ke te pawh vûng lovin Pathian ṭha chuan rinawm takin khawngaihna in a enkawl ani. (Deut 8:4; Neh 9:21)

Pathian ṭha chuan Krista thisena thuthlung thar a lo siam na phei kha chuan Arona inthawina ngai tawh lovin Amah duhsakna dawng reng thei turin a thuthlunga awm te chu kan sualna te a theihnghilh a, kan sualman bat Isua-an min tlak sak a, ran a inthawi ngai tawh lovin kan sualna a silfai a, Krista felna silfen chuan min thuam tawh ani...

Pathianin Abrahama chu engkim ah mal a sawm a (Gen 24:1) kei keini pawh Krista Isua ah chuan Thlarau lamah Abrahama thlah teah min chhiar tak avanginAbrahama engkim ah mal asawm ang khan kawngtinreng ah malsawmna chu kan tan a lo ruat fel diam tawh ani (Galati 3, Efesi 1:3).

Isua thisen a thuthlung thar ngei chuan Pathian ṭha nen chuan pumkhat in min dingchhuak tir ta a, kan tan Pathian chu a rinawm lo theih loh avangin malsawmna zawng zawng chu kan ta/chan a lo ni tawh,  Pathian ṭha-in fing tak leh rem hre tak a thu a rawn thlung na hi belhchhiang leh hriatchhian a va pawimawh tak em, kan tana rinawm taka awm ve tura Pathian meuh in min tiam mai na ah hian a ṭhat em em zia hi min hmuh chhian tir leh zual ṭhin, kan lo hriat loh chamg pawh a min enchhan ngai lo tura min tiam ve tlat, kan hnenah awm a, keini ah chenga, ami te min nih tir a, Kan Pathian nih min zahpui miah lova Pathian ṭha kan neih hi kan va hamṭha tak em...!

PATHIAN ṬHA CHU THIL ENGKIM A MAL MIN SAWMTU A NI...

[Numb 6:24-26, Deut 7:13, Efesi 1:3, malaki 3:10, 2Kor 2:8-9, philipi 4:19.]

Pathian ṭha chu mi hmangaihtu anih avangin chan ṭha chang turin min duhsak: Jeremi 39:11-ah chuan Pathian in kan chungthu-a a thil ngaihtuah chu a ṭha a, kan hmalam hun ṭhatna tur hlir ani tih kan hmu, Pathian ṭha anih avangin kan tana ṭhalo tur engmah a ngaihtuah ngai lo, Jacoba 1:17-ah chuan Thilpek ṭha leh thlipek famkim zawng zawng chung lam aṭangin engte Pa hnen ata, a lo chhuak ṭhin ani..a ti a, kan Pathian chu chanṭha chang tura min duhsak reng tu, danglam ngailo ani, Pathian chu hmangaihna anih avangin eng hun ah pawh min theihnghilh ngai lova, a thinlungah kan awm renga, kei ni misual te mahin kan fa te thilṭha pek nachang kan hriat chuan, kan Pa vana mi chuan thilṭha kan dawn tura a ruat tawh chu a ui dawn lo reng reng ani (matt 7:11)

Hmangaihna chuai thei lova min hmangaih tu chuan min theihnghilh dawn loh zia a sawina ah chuan nu in nau hnute hne lai a theihnghilh ngai lo thu sawiin, a fa chu a lo theihnghilh mai anih pawn, Amah erawh chuan min theihnghilh loh tur zia a sawi...(isaia 49:15) nu in a nau hnute hne lai chu engkim ah a mamawh te ngaihsak in a duat a, a lainat em em si chuan kan Pa Pathian chuan min duat in, min laina-in min va ngaihsak dawn em aw..! Kan sual angin min rulh lova, a zahngaihna vang chuan tih boral in kan awm lova, a lalnatna chu a kiang ngai loh avangin zing tinin a thar a (ṭap hla 3:22-23) chuvangin kan phu vang ni miah lovin a duhsakna kan dawng reng ṭhin ani, Hla siamtu in, A hmangihna a ka chawl in ka Pan min hria. A lo tih ang khan, Pathian in thilṭha kan tana a lo ngaihtuah chu kan dawn zel na tur a Amah a kan chawlh hahdam mai loh chuan enge tih theih kan neih a?

Thil engkim a malsawmna kan chan chu: Genesis 24:1-ah chuan Abrahama chu Pathian thuthlunga awm anih vangin Pathian in thil engkim a mal a sawm ta ani tih kan hmu a, Galati 3:13-14-ah chuan Isua chuan ânchhia zawng zawng min lo phur sak tawh avangin Abrahama chunga malsawmna chu keini a ringtu te chan alo ni ve tawh a ti, Pathian in Abrahama chu thil engkim a mal a sawm ang khan keini pawh thil engkim a mal min sawm duh ani tih kan hria, chu malsawmna chu rinna a dawn tur ngei chu ani, hriselna, damreina, chawimawi na, rah chhuah na, hauhsakna, hnehna nun, Pathian duhsakna, Pathian nen in ṭhianṭhat na leh thlarau malsawmna te chu Abrahama khan a lo dawng a, thil engkim a malsawmna alo ni tak meuh ani.

Galati 3:13-14-in a sawi angin chung malsawmna te chu Krista vanga kan chan a lo ni ve ta Halleluiah! Pathian ṭha, thil engkim a mal min sawm tu chu, kan Pa, kan Pathian a lo nih mai hi kan va vannei tak em ve aw! Kan thlin tak reng avanga heng malsawmna te hi min dawng tir ani chuang lova, min hmangaihna avanga kan tan min buatsaih sak ani zawk, thlin na famkim nei tu Isua vang chauh in malsawmna zawng zawng chu kan chang thei ani a, chung malsawmna zawng zawng chu rinna avanga dawn tur ani.

Rinna a kan chan malsawmna te chu kan lo dawnlet na tur chuan kan chan malsawmna te chu kan chan tura Pathian in min ruat sak anih tih hi hrechiang a, ringhlel miah lova beiseiin, mahni atana kan pawm ngan a ngai, Pathian ṭha chuan hrisel turin min duhsak a, damrei turin min duhsak a, min chawimawi a min chawisang a duh a, rah min chhuah tir a duh a, leilung malsawmna dawnga thlachham lo turin min ti a, rinna a mi chak huaisen, hnehna nun neitu ni turin min duhsak a, Pathian chu kan ṭhianṭha nih a duh a, Thlarau lama malsawmna tinreng in mal min sawm ṭhin...



_____________________________________________

BIBLE QUIZ JOSUA 13-24

B͙I͙B͙L͙E͙ Q͙U͙I͙Z͙.͙.͙.͙.͙.͙.͙🛐
ᴊᴏsᴜᴀ 13-24

Q̤ṲA̤T̤I̤O̤N̤ &̤ A̤N̤S̤W̤E̤R̤

Q 1. Josefa ruh kha khawi hmunah nge an phum ?
Ans: Josua 24:32 Sekem khuaa hmun, Sekema pa Hamora fate laka Jakoban tangkaa zaa a leiah khan an phum a:

Q 2 Manasea fate zingah tunge fapa nei lo kha? A fanute hming ziak rawh ?
Ans: Josua 17:3 Jelophehada, Malai te, Novai te, Hoglai te, Milkai te, Tirzai te a ni.

Q 3 Reubena thlahte leh Gada thlahte chuan maichâm chu enge an tih.?
Ans: Ed an ti a: "LALPA chu Pathian a lo ni ngei mai tih kan karah hian hriattir anih hi," an ti ani. Josua 22:34

Q 4. Israela thlahteho chanpuala mi Levi-ho khawpui te kha engzat nge a nih?
Ans: khawpui sawmli leh pariat a ni,.Josua 21:41

Q 5. Josua kha kum engzat mi a nih khan nge a thih?
Ans:  kum za leh kum sawm miin a thi a.Josua 24:29

_______________°______________

ᴀ ᴋᴀʀᴀᴡʟ ᴅᴀʜ ᴋʜᴀᴛ ʀᴀᴡʜ

1. Tin, Josuan Josefa chhûnge, ...................hnenah chuan, "In tam hle a, chak pawh in chak bawk a: chutichuan chan khat chauh zawng in nei lo vang chu:
Ans: Ephraima leh Manasea thlahte Josua 17:17

2 Chung zawng zawng chu ............. dangte Meraria thlahteho an chhûngkaw zir zela a ni khawpuite chu a ni; tichuan an chanpual chu ..........
Ans: Levi ho chhûngkaw, khawpui sâwm leh pahnih a ni. Josua 21:40

3. Tin, ............, Jeriko zawn Jordan atangin thlaler kiang, chhak lampanga Jeriko tuiahte chuan an chhuak a,
Ans: Josefa thlahte chanpual chu, Josua 16:1

4. Tin, thumvawr chu........... hnam an chhûngkaw zir zelin an chungah a ltu ta a: tin, an ramri chin chu ............ leh Josefa thlahte inkâr a ni.
Ans: Benjamina thlahte,Juda thlahte Josua 18:11

5. chung chu Levi thlah, .........,..... thumvawr chu an chungah a tlu hmasa ber reng a.
Ans: Kohat-ho hnam te, Arona thlahteho ta tur a ni:Josua 21:10
________________°________________

ᴀ ʙᴜɴɢ ʟᴇʜ ᴀ ᴄʜᴀɴɢ ᴢɪᴀᴋ ʀᴀᴡʜ

1. Tin, Josuan mipuite hnenah chuan, "LALPA rawng chu in bâwl thei lo vang; ani zawng Pathian thianghlim ani si a; Pathian thikthuchhia a ni a; in bawhchhiatnate leh in sualnate chu a ngaidam lo vang.
Ans: Josua 24:19

2. Amaherawhchu ka unau ka hnena kal vete khan mipuite thinlung an tihtuisak a: kei erawh chuan LALPA ka Pathian chu ka pawm tlat a.
Ans: Josua 14:8

3. LALPAN Israela chhûngte hnena a tha lam thu a lo sawi zawng zawng kha thlawn reng reng a awm lo va, a lo thleng vek a ni.
Ans: Josua 21:45

4. LALPA in Pathianin nangmahni avanga heng hnam zawng zawngte chunga a tih dan hi in hmu a; LALPA in Pathianin, amah ngeiin a ni, dosak che u ni.
Ans: Josua 23:3

______________°______________

ʀᴇᴍ ᴅɪᴋ ʀᴀᴡʜ

1. ERPBOTEH
Ans: BETHPEOR

2. KAMIBRA
Ans: AKRABIM

3. LAAOBMTHAB
Ans: BAMOTHBAAL

4. MHETOJIS
Ans: JESIMOTH

_______________🔚______________

AW LALPA, I MALSAWMNA TE HI, NANGMAH AIIN MI TAM TAK CHUAN AN NGAIHLU ZAWK.

Khawvêl thiamna a san rual hian sualna pawh a sang tawh em em a. Inhmangaihnate leh lainatna te pawh a dai zo tawh a, mahni hmasialna in kan khat zo tawh a, a nei leh a nei an in hmangaih a, a neilo te hnawl in an awm zel a, hmangaihna leh khawngaihna dawngtu tur ber ten an dawng pha tawh lo, hmangaihna semdarh thiam Pathian thinlung hi kan va na țhin dawn tak em aw! Ka ti vawng vawng ṭhin.

Nupui Pasal zawnna kawng ah pawh ni se, hmangaihna mitin kawppui tur kan zawng tawh lova, A sum hau leh a chhethei deuh te lo chu kan hmangaih thei tawh lo niin a lang, ṭhianṭha leh unau anga en tur pawh lainatu te ai amahin a nei deuh leh a hausa deuh te kan zawng  zawk tawh a, Kohhran ah pawh ni se hotu tur in thlanna kawng ah pawh a nei deuh te chu duhsak in an awm a, chuavang chuan thlarau lam engmah awm si lo chhungril ruak si kan pung sawt hle, Suma Pathian zawngtu te hian eng tik ah mah an hmu ngai lovang.

Thlarauva rilṭam leh tuihal aimahin khawvel lama rilṭam leh tuihal hi kan tam zawk tawh, ṭawngṭai dam thei te kan pan pawn, mahni thlarau damna tur aiin kan taksa damna tur beiseia pan hi kan ni leh zel ṭhin, zing ṭawngṭai taima em em te pawh hi a tam zawk chu thlarau lam thil aiin khawvel lam thil beisei zawk hi kan ni duh hle, Tharau damna aiin taksa damna hi kan ngaihlu zawk in kan dil hnem zawk a, Pathian ropuina tur aimahin keimahni ropui na tur hlir zawng in kan um zel zawk ṭhin ani.

Pathian ai pawn Malsawmna hi kan duh zawk a, Amah aiin a thilsiamte kan chawimawi in kan ngaisang tawh zawk a, a thilsiam ten a hmel an hliah zo ta, Amah thilsiam te chu hmangaih in, mikhual ṭha ah ngaiin kan lo thlentir ṭhin.

Kan Pathian hi rilṭam leh tuihal hre ve lo angin kan ruat ṭhin!, Mahse, nang leh kei, kan thlarau ngaia rilṭam leh tuihal in a rum vawng vawng asin. Khawngaih tlak tak a Kraws ah a tuar na mai pawh duhtawk lovin Lal khawngaih tlak ah kan la siam reng fo dawn em ni? Juda ho in an duh lova an hnawl hnu kha, keini leh zel pawn pawm duh bik lovin kan lo hnawl leh dawn em ni.?

A thilsiam te ai pawha Amah hi kan thlan a kan chawimawi zawk tur chu ani, Mi chu a thil neih te kan duh anih chuan a neitu kan be lungawi hmasak phawt ṭhin ang khan, Malsawmna kan duh si chuan, a neitu kan ti lungawi phawt anga, chutichuan, pek in kan awm dawn ania, a neitu neih chu engkim neihna ani si a.

Lalpa'n a thu mal min sawm sak rawh se.....

_________________________________

LALPA CHU MIN VENGTU A NI.

           
LALPA chu mi vengtu a ni a; ka tlachham lo vang.Ani chuan hlobet hring dup hmunahte mi bawhtir thin a:Chawlhna tui kamahte mi hruai thin....  Sam 23: 1-6

Khawvel mihring lo piang tawh zawng zawng hian kan mamawh ber chu him taka kan awm theih na hi a ni awm e. Rilru lam zirmi Abraham Maslow chuan mihring kan lo pian chhuah a kan mamawh chi hrang hrang hlawm lian deuh deuh panga (5) ah a țhen a, chumi zingah chuan kan taksa himna lam chu a pawimawh pahnihna ah a dah nghe nghe a ni. Hetiang a nih avang hian khawvel ram hrang hrang te pawhin harsatna tamtak ațang a ram mipuite venghim turin venhimna lam thawk tur Department lian pui pui a lo siam reng a ni.
           
Hetiang dinhmuna ding mihring kan nih tlat avang hian Lal ropui tak Davida meuh pawhin min vengtu chu Lalpa a ni a lo ti hial a. Veng him tu a va nei țha em ve le! Khawvel ram ropui tak tak ten vengtu sipai leh ralthuam tha pui pui an neih laiin keini ringtu te chuan lei leh van Lalber leh a siamtu Pathian meuh vengtu kan nei hi kan vannei in a ropui a, kan phu  lo hial zawk awm e. Kan Pathian hian a mite hi min lo va hmangaih em, a siam te ve mai kan ni a; a thisen a min tlan ngawt tem min veng tur keb min tanpui tura  keini a siam mihring te koh phaka a awm reng hi thil mak leh inngaihtlawmna ropui tak chu a va ni em. A hniak a zui turin kan in buatsaih sauh sauh a țul tazet a ni.
           
Natna kan tawh chang tem hlauhawma kan awm lai te, keh thihna hllimkawr ruam kan zawh  lai pawhin amah kan Pathian chu min țanpui tur leh min thlamuan turin a hnai reng a. Amah hawisanin khawvel lamah han tlan țhin mah ila inchhir a, ngaihdam dil chunga tanpui tura kan sawm chuan a ngaihdamna leh a hmangaihna nen min tanpui in min thlamuan a, harsatna khur thuk tak atan min chhanchhuak nghal mai thin a ni. Pathian hi thikthuchhia leh tihbaiawm tak tiin sawitu tamtak chuan an sawi fo thin a, kei ka tan chuan a hmangaihna leh a zahngaihna te, a dawhtheihna te hi ka hmuh tan a ni fo thin. Mahse hmangaihna vanga thihna thleng a fate tuartir hrehlo Pathian a ni erawh ka hai ngai lo thung si.
           
Lal Davida in Lapa chuan a vengin hlobet hringdup hmuna a hruai țhinzia te, a do tute lak ata a chhanchhuah țhin zia a sawi te, thihna hlimkawr ruam a zawh lai pawha a thlamuan țhin zia a sawi te hi keini ringtu te tan pawh a ni ve tho a ni tih kan hriat a țul hle mai. Mangan na leh harsatna kan tawh lai te, thihna hlim ruama thlaphang taka kan thut lai te hian Lapa chu min vengtu a ni tih hre reng a, amah kan auh zel hi a pawimawh in a țul hle a ni.


____________________________________

BIBLE QUIZ....JOSHUA

Dated 23/11/2018
BIBLE Question

HENG ZAWHNATE HI CHHANG RAWH

Q.1.Gilgal tih awmzia sawi rawh?
Ans: Vawiin ah hian Aigupta- ho hmusitna che u hi nangmah ni ata chu ka lum bo ta e"(5:9)

Q.2.Israela thlahte zinga thil hluihlawn lo la tu,Juda hnam a mi kha tu nge ni?
Ans: Akana(7:1)

Q3."I in a lo thleng mikhualte kha han hruai rawh,ram pum pui en thlithlai tura lo kal an ni e; ti tu kha tu nge ni?
Ans: Jeriko khaw lal.(2:3)

Q4." Au rawh u khai,LALPAN khawpui hi a pe tawh che u a sin, ti tu kha tu nge ni?
Ans: Josua(6:16)

Q.5. Israel thlah ten lung sawm leh pahnih Jordan lui ata an put chhuah chu, Josuan khawiah nge a phun tak kha?
Ans: Gilgalah(4:20)

REM DIK RAWH

Q.1.ORKA
Ans: AKOR

Q2.LEBA
Ans: EBAL

Q.3.SALIK
Ans: LAKIS

Q.4.MORSIN
Ans: SIMRON

Q.5.RABEM
Ans: BERAM

KARAWL DAHKHAT
Q.1.Aigupta ram ata chhuak- ho zawng zawng kha chu------- sa vek an ni a:
Ans: Serhtan(5:5)

Q.2."Lo kal ula, ------- in Pathian thu hi rawn ngaithla teh u khai," a ti a.
Ans: .LALPA(3:9)

Q.3.Tin, LALPA chuan ------- hnenah," Tho rawh, engatinge khatia i bawhkhuh reng ni?
Ans: Josua(7:10)

Q.4.Tin, an hnenah chuan, "-------- lam panin kal tawh u khai.
Ans: Tlang(2:16)

Q.5.Tin," Lal pangate chu an hmu ta,------- pukah an biru a ni, tiin Josua an hrilh a.
Ans: Makeda(10:17)

BUNG LEH CHANG

Q.1.Tirza khaw lal pakhat lal zawng zawng chu sawmthum leh pakhat an ni.
Ans: 12:24

Q.2.Tin, Ai khaw lal chu a nungin an man a,Jisua hnenah an hruai a.
Ans: 2.8:23

Q.3.Chtichuan,Josuanpuithiam hote chu, "Jordan lui ata kha lo chhuak tawh rawh u, tiin thu a pe a.
Ans: .4:7

Q4.Tin, Josuan, " Engatinge min tihmangan le?
Ans: .7:25

Q5.Josuan chung lal ho zawng zawng chu rei tak a do a ni.
Ans: .11:18

THOLEH NUN

Lal Isua chuan kan sualna zawng zawng phurin Kalvari tlangah a thi a. Sual vanga thi tur kan nihna chu Lal Isua chuan kan aiawhin min lo thihsak ta. Eden bawhchhiatna vanga thi tur kan nihna ata min chhanchhuak ta.

           
Nithum niah Lal Isua chu thianghlim famkim, sual kai lo, hnehna nun nen Pa in a kaitho leh a. Lal Isua thianghlimna te, finna te leh fa nihna thlengin keini mihring te hian Krista zara kan chanvo a lo ni ta a ni, a va ropui em!!
           
Chu tholeh nun thianghlim changtu kan nih tak avangin Vanram kan thleng leh thei a, Pathian fa nihna ropui tak  kan chang ta hial a ni. Krista tholeh nun changtute kan nih avangin thianghlim theilo mihringte chu thianghlimna nun famkim nen kan leng thei ta a, Vanram kal thei khawpa nun thianghlim Krista zarah kan nei ta, sual pu taksa chu khenbeha a awm tawh avangin.
           
Ringtu te hi Pathian mithmuhah chuan Krista vangin kan thianghlim tawh a, sual thlema kan awm țhin hi famkimlo mihring kan nih vang a ni lo, Krista tholeh nun thianghlim tawmpui tu te hian kan nun hi sual kai lo a ni tih i hre thar ang u.

           
Lal Isua chuan kan sualna zawng zawng phurin Kalvari tlangah a thi a. Sual vanga thi tur kan nihna chu Lal Isua chuan kan aiawhin min lo thihsak ta. Eden bawhchhiatna vanga thi tur kan nihna ata min chhanchhuak ta.
           
Nithum niah Lal Isua chu thianghlim famkim, sual kai lo, hnehna nun nen Pa in a kaitho leh a. Lal Isua thianghlimna te, finna te leh fa nihna thlengin keini mihring te hian Krista zara kan chanvo a lo ni ta a ni, a va ropui em!!
           
Chu tholeh nun thianghlim changtu kan nih tak avangin Vanram kan thleng leh thei a, Pathian fa nihna ropui tak  kan chang ta hial a ni. Krista tholeh nun changtute kan nih avangin thianghlim theilo mihringte chu thianghlimna nun famkim nen kan leng thei ta a, Vanram kal thei khawpa nun thianghlim Krista zarah kan nei ta, sual pu taksa chu khenbeha a awm tawh avangin.
         
Ringtu te hi Pathian mithmuhah chuan Krista vangin kan thianghlim tawh a, sual thlema kan awm țhin hi famkimlo mihring kan nih vang a ni lo, Krista tholeh nun thianghlim tawmpui tu te hian kan nun hi sual kai lo a ni tih i hre thar ang u.

BIBLE QUIZ ......ᴅᴇᴜᴛᴇʀᴏɴᴏᴍʏ 11-20

࿙B࿚࿙I࿚࿙B࿚࿙L࿚࿙E࿚ ࿙Q࿚࿙U࿚࿙I࿚࿙Z࿚📖

ᴅᴛ.16/11/ғʀɪᴅᴀʏ
8:00 Pm

ᴛᴏᴘɪᴄ:- ᴅᴇᴜᴛᴇʀᴏɴᴏᴍʏ 11-20

ϙᴜᴀᴛɪᴏɴ & answer

Q1. Israel hnam ten an va luah tur ramah khan eng mi te zawng zawng nge an tih boral tur kha?
Ans: 20:17 Hit mi te, Amor mi te, Kanaan mi te, Periz mi te, Hiv mi te, Jebus mi te;

Q2. Kumthum a vei kum apiangah an lak khawm vek tur kha enge ni?
Ans: 14:28 sawma  pakhat chu in la khawm vek ang

Q3. Eng vanga Lalpan thisen erawh ei lo turin fimkhur rawh u tih nge?
Ans: Thisen chu nunna a ni si a.12: 23

Q4. An va luah tur ramah Lalpa Pathianin a hruai luh hunah chuan malsawmna leh ânchhia chu khawi hmunah nge an dah tur kha?
Ans: 11:29, malsawmna chu Gerizim tlângah in dah ang a, ânchhia chu Ebal tlângah.

5. Lalpan an va luah tura ram a pek naah khan an tan khaw engzat nge ruat tura a tih kha.?
Ans: 19:2 in tan khaw pathum in ruat tur a ni.

_____________•____________

A KAR AWL DAH KHAT RAWH.

1. Tin, heti hi a ni ang a, ................ pawm lo apiang chu ka ngaihtuah ang.
Ans: ka hminga ka thu a sawi

2. In hrui ata leh ............... ata in chhek khawm zawhah ni sarih chhng .............. in nei tur a ni;
Ans: in uain sawr khur, bawkte kut

3 LALPA in Pathian .............. LALPA inpathian mit chu kum thar atanga a tawp thlengin a fu reng thin.
Ans: zawn chhuah ram ani a;

4. chu ramah chuan ........... awm loh lai a awm dawn si lo va;
Ans: mi retheite,

______________•____________

A BUNG LEH A CHANG DAH RAWH.

1. Tih tura thu ka pêk che u apiang chu in ti tur a ni; in belhchhah tur a ni lo va, in tikiam tur a ni hek lo.
Ans: 12:32

2.  Mi tinin mahni tha tihzawng ang maia tuna kan tih ang hian in ti tur a ni lo.
Ans: 12:8

3.  Chung chu in fate in ziritir ang a, in ina in thut lai te, kawnga in kal lai te, in mut lai te, in thawh hun tein in sawi thin tur a ni.
Ans: 11:19

4. In kephaha in rah apiang chu in ta ani ang a, thlaler atang leh Lebanon tlâng atangin lui, Euphrates lui atang chuan thlang lam tuifinriat thlengin in ram ani ang.
Ans: 11:24

______________•____________

        REMDIK RAWH.

1.  HANADAT.
->  DATHANA.

2.  GINRINHPUIC
-> CHINGPIRINU.

3.  AKRGHNIR
-> HRANGKIR

4.  PWNHIGAU
-> NGAWIHUP


_____________🔚_____________
Heng zawhna te hi chhang rawh le....a chhanna keimah hnenah pvt ah mi rawn thawn dawn nia...😘👍

LALPAN I HRIATNA TE MALSAWM RAWH SE...🙏🏿

KA NITIN NUN TANA CHAW ȚHA CHU.

Bible nitina chhiar ngei tum a, rilru a lo awm ve ta fo thin chu "Dan angin i nung dawn ni maw? I chhiar vang khan fel ta riauah in ngai a mi? Pathian i ti lawm ta viau in, thlamuang ta viau turah i in ngai a mi?" tih te hi a rawn lang thin.

Mahse tah chuan ti hian ka rilru ah a rawn lang. Ka chhiar avanga Pathian hma a tha ta viau leh ka sual te min hmuh nep sak tawh dawn tih lam aiin, A thu nung leh tha, ka tan a chaw, ka chhiar a, Pathian pawlna ka dawn thin na zawk leh a thunung, ka nuna thusawitu leh min chawmtu (tunah mai ni lo, ka mamawh ang zela rawn lang thin) anih vang zawk hian Bible chhiar hi thlahthlam harin a tello chuan ka thlarau nun tuihalna hi hnemin a awm thin lo.

Lalpa i thute hi ka thinlungah ziak khatin i Thlarau Thianghlimin min hriatfiah tir la, ka tan chaw tak an ni a, ka nun min chawmtu ber a ni. Min hriat fiah tir zel ang che, nangmah hnaih che leh hriat chiang leh zual che hi ka chak a ni.🙏🏿

_________________________________________

BIBLE KAN CHHIAR IN HLAWKNA RAHBI PAKHAT TAL CHHIAR CHHUAK NGEI TUM IN I CHHIAR ȚHIN ANG U.

BIBLE I CHHIAR HIAN CHHIAR CHHAN DIK NEI ȚHIN ANG CHE.

Bible chu thu leh hla ngaihnawm tak ang emaw, chhiar tûr a nih avângin emaw, a nih loh leh he khawvêl buai tak kâra kaihhruaina pe theitu tûr thute hmuh inbeisei vângin emaw i chhiar thei a. Mahse, Pathian chungchâng thutak zir tum rân chunga i chhiar chuan i hlâwkpui lehzual dâwn a ni. Chu bâkah, Bible thu kente’n i nun a nghawng theih dân hmuh tum rân chunga i chhiar chuan lâwmman ropui tak i hmu ang.

Pathian Lehkha Thu chuan Bible chu dârthlalang nêna khaikhinin, chhiar chhan dik neih a pawimawhzia a târ lang a. Heti hian a sawi: “Tupawh thu ngaithlatu nia zâwmtu ni si lo chu mi, dârthlalanga a pianpui hmai ngun taka inen ang chu a ni, a kal bo va, mi eng ang nge a nih a intheihnghilh nghâl si ṭhîn. Amaherawhchu tupawh dân famkim, zalênna dân hi bih a, chutianga awm reng a, ngaithla a, theihnghilh leh mai ṭhintu ni lo va, zâwma hna thawk fo ṭhîntu ni zâwk chu, chu mi chu a thil tihah malsâwmin a awm ang,” tiin.—Jakoba 1:23-25.

He Bible chânga târ lan mi pakhat hian dârthlalangah a hmêl a en a; mahse, a lan dân chu a siam ṭha chuang lo va ni. A inen thuak chauh pawh a ni mahna, a nih loh leh insiam ṭhat duhna a nei lo pawh a ni thei bawk. Chutiang bawkin, Bible chu kan chhiar thuak ringawt emaw, kan chhiarte kan zawm loh emaw chuan kan hlâwkpui vak lo vang. Kawng leh lamah chuan, kan ngaihtuahna leh thiltihte chu Pathian ngaihtuahna thununtîr a, ‘zâwmtu’ nih tum rân chunga kan chhiar erawh chuan hlimna dik tak kan nei thei a ni.

_________________________________________

HETAH HIAN ENGNGE I TIH ?

HETAH HIAN ENGNGE I TIH ?
               [I Lalte 19:13]

Pathian zawlnei Elija-a chuan baala (milem pathuan) zawlnei mi 450 te chu a that a. (I Lal 18:40)

Chutiang khawpa Pathian ringa, Lalpa dodaltute do lettu chuan Ahaba nupui Jezebeli chu hlau in a tlan chhe ta tlat mai a !

Thlaler lamah kal in Juniper thing hnuaiah ṭhu in Pathian hnenah THIH a dil ta a.

Mahse, a dilna chu "Aw le, ka phal sak a che" tiin Lalpan a chhang lo. A ei leh in tur chhangper leh a in tur tuithâwl a pe a. A ei zawh chuan Pathian tlang Horeb thlengin ni 40 leh zan 40 a kal a. Pukah chuan a awm ta a.

Lalpa rawngbawltu, zawinei ropui tak nisi khan Jezebeli hlauvin Puk ah chuan a biru ta a. Mahse, chu chu Lalpa ngaihdan a ni lo.

Lalpa chuan Elija hnênah, "Hetah hian engnge i tih ?" tiin a zawt a. " I zawlneite khandaihin an sathlum si a, a la awm chhun chu keimah chauh hi ka ni a, ka nunna mi laksak an tum a ni" tiin thih a hlauh zia thu in Lalpa chu a chhang a.

Mahse, Lalpan a pawm sak lo. A chhanna chu thu tlingah Lalpan a ngailo. "Horeb tlang aṭangin kir leh la. Suria lal atan Hazaela hriak i thih ang a, Israel lal atan Jehua hriak i thih ang a, i aiawha zawlnei ni turin Elisa hriak i thih bawk ang" tiin Lalpan a tih tur te chu a hrilh ta a.

Unau duhtak, Mizo Kristian te hian Harhna (revival) hi kan chang ngun a, Lalpa tan pawh kan beih nasa ti ru ? Mahse, reilote ah kan Da leh mai ṭhin hi chuan ngaihtuahna a ti buai ṭhin chu ni hi !

Thlemtu hmeichhe hlauva Elija a tlan chhiat ang khân keini pawh kan tlan chhe ta fo mai niin a lang. Kan tih tur ber ti lovin setana hlau in kan tlan chhe fo ṭhin em ?

Khawiah nge kan kal a ? Khawi ah nge kan bihruk ve ṭhin ? Khawiah nge kan awm țhin?

Tuna i awm mekna ah khan Enge i tih ?

Pathian zawlnei Elija ang khan mipui nawlpuiin an hmuh phak lo na ah kan biru ve ṭhin em ? Zu leh sex chênna hmunah kan biru ve ṭhin em ?

Keini pawh Lalpan, "hetah hian enge i tih ?" tiin kan awm ṭhinna hmuna kan awm chhan te Lalpan a hre duh a ni.

Tuna i awm mekna ah khan Lalpan i awm tih a hria em ? Lalpa tirhin tah khan i awm emni ? A hming ropuina turin i awm mekna ah khan i awm em ?

I awm ṭhin na te kha ngaihtuah let la, i awm ṭhinna te kha X-Ray la, Thlarau Thianghlim zalen na hmun a ni em ? Tisa chakna ten ro an relna hmun nge Thlarau Thianghlim ro relna hmun zawk ?

Chhiartu duhtak, he zawhna hi Lalpan keini pawh min zawt ve a ni ?

"HETAH HIAN ENGNGE I TIH ?"

______________________________________________

KHAWIAH NGE I AWM ?

KHAWIAH NGE I AWM ?

Huaisen takin kan awmna hmun dik tak kan sawi ngam ang em ?

Khawiah nge i awm ? tiin tunah hian Pathian in min rawn zawt thut ta sela, kan awmna hmun dik tak kan sawi ngam ang em ?

He thu i chhiar mek laia i awmna hmun emaw, vawiina i kalna hmun emaw, zanina i lenna hmun emaw te kha huaisen takin Lalpa hmaah i sawi ngam ang em ?

Kan awmna hmun ṭheuh thlir ila, en ila, zir chiang ila, KAN AWMNA HMUN ṬHEUH HI LALPA PAWLNA HMUN ATAN A THIANGHLIM TAWK EM ?

I awmna hmunah khan eng vanga awm nge i nih ? I awmna hmunah khan engnge i tih ? I awmna hmunah khan tuin nge hruai che a ? I awmna hmunah khan i hlim em ?

I awmna hmunah khan Thlarau Thianghlim a zalen em ? I awmna hmun kha Thlamuanna hmun a ni em ? Lungawina hmun a ni em ?

Inremna hmun a ni em ? In hmangaih tawnna hmun a ni em ? In lainat tawnna hmun a ni em ? Thlarau damna hmun a ni em ?

Chhiartu duhtak, tunah khan tisa leh thlarau ah KHAWIAH NGE I AWM  ?


______________________________________

ZINGAH TU NGE KAN BIAK HMASAK BER ȚHIN ?

ZINGAH TU NGE KAN BIAK HMASAK BER ȚHIN ?

Tin, zing takah a tho va, LALPA chu an bia a, an haw a, Rama khua an in chu an thleng leh ta a: tin, Elkana chuan a nupui Hani chu a pâwl a: tin, LALPA chuan ani chu a hre renga.
(I Sam 1:19)

Vawiin thleng hian ka țawngțai hmaa mi dang biak hmasak hi ka la duh lova, Pathian biak hmaa mi dang ka biak hmasak chuan ka inthlahrung țhin.

Thank you Father, thank you Jesus, Thank you Holy Spirit ti a lawmthu han sawi phawta, min vengtu Lalpa hming lam hmasak ber hi a mawi hle in ka hria a, mi dang biak hmasak ngaih chang a awm hian ka rilru ah nuam loh tihna ka nei țhin.

Zan mut dawn ah kan biak hnuhnung ber chu Lalpa nise, zing thawh ve leha kan biak hmasak ber pawh Lalpa ngei ni se, kan chungah a lawm ngawt ang.

Kan duh leh kan hmangaihte "BIAK" kan beisei aia nasa in min Hmangaih a, a thisena min lei a, van khua leh tuia min siamtu Lalpa Isua Krista chuan KAN BIAK HMASAK BER HI A BEISEI ngei ang.

THLARAU CHAW

ȚAWNGȚAI HI THLARAU TAN CHAW ṬHA A NI

Kei zawng rethei leh pachhe tak ka ni a, Nimahsela LALPAN mi ngaihtuah țhin a: Nang chu mi țanpuitu leh mi chhanhimtu i ni a; Aw ka Pathian, rei rial lul suh ang che, (Sam 40:17)

Sum neih loh avanga rethei leh pachhe tak, mahse Thlarau lama hausa si ringtu awhawm tak an awm țhin a.

Sum ngah leh hmelțha, thlarau lama pachhe ngawih ngawih, thlamuanna reng reng nei lova, nun tuihal leh rilțam em ema awm an awm bawk ṭhin.

Eng dinhmunah pawh ding ila, eng ang mi pawh nih ila, a tawpa kan mamawh ber chu PATHIAN a ni tho tho țhin.

Chuvangin, kan mamawh kan dil te kan hmuh zel thei nan bang lova kan ȚAWNGȚAI zel a țula, chutianga kan tih phawt chuan kan nun tuihai leh rilṭam in kan awm ngai lovang.

BIBLE QUIZ....

A kâr âwl dah khat rawh :

Q1..Nimahsela lal thu chuan Joaba chu a hneh ta a. Chutichuan Joaba chu a chhuak a, Israel ram zawng zawngah chuan a kal a, ___________________-ah a haw leh a.
Ans:  jerusalem

Q2. sidar thingchiar sen loh nen; Zidon mi leh tûra miten ____________ hnênah chuan sidar thing tam tak an rawn la a ni.
Ans: Davida

Q3. Chung zinga sing hnih leh sângli chu LALPA in satuho hotu tûr an ni a; tin, sângrukte chu hotute leh ________________ tûrte an ni a;
Ans: Roreltu

Q4.Tin, Ithamara thlahte ai chuan Elazara thlah puipaa tang an tam zâwk a; hetiang hian an then a:  Eleazara thlaha mi, chhûngkaw puipa sâwm leh paruk an ni a; tin, Ithamara thlaha mi, chhûngkaw puipa ________________ an ni.
Ans: pariat

Q5 .Hemana lakah chuanL Hemana fa Bukia te, Matânia te, Uziela te, Sebuela te, Jeribnotha te, Hanania te, Hanan te, Eliatha te, Gidaltia te leh Romamtiezera te, Josbekasa te, Malothian te, _________________ te, Mahoziaotha te an ni a;
Ans: Hothira

Q6.Tin, Israel mi zawng zawngte chu ahmei apain chhang hlawm khat leh sa hrang khat leh grêp rah pho ro bawr ______________ a pe theuh va.
Ans:  khat

Q7.“Ka chiahhlawh Davida chu va hrilh rawh, ‘LALPA chuan heti hian a ti, Ka awmna tûrin nangin in mi _________________ tûr ani lo;
Ans: saksak

Q8.Tin, Damaska-a Suria mite Zoba lal Hadarezera chan tûrin an lo kal a, tin, Davidan ______________ mi singhni leh sângnih a that a;
Ans: suria

Q9. Tin, Amona thlahten Davida huatzawng an lo ni ta tih an lo inhriat chuan, Hanuna leh Amona thlahte chuan Mesopotamia rama mi te, tawlailir leh sakawr chung chuang mite rawih nân tangkaraw _____________ sângkhat an thawn a.
Ans: talent

Q10.Tin, ani chuan Israel mite a va cho va, Davida unau Simea fapa ________________ chuan a lo that a.
Ans: jonathan

Q11. Tin, Jebus-a awmhote chuan Davida hnênah, “Hetah hian i lo lut tawp lo vang,” an ti a. Nimahsela Davida chuan ____________ kulh chu a la ta rêng rêng a: chu chu Davida khua tih a ni ta a.
Ans: zion

Q12. Eluzaia te, Jerimotha te, Bealia te, Semaria te, _____________ mi Sephatia te;
Ans: Harup

Q13.Chutichan Davidan Aigupta lui Sihor atanga _______________ khaw luhna thlenga Israel mi zawng zawngte chu la tûrin a khâwm vek a.
Ans: Hamath

Q14. Jerusalem-a a fa neihte chu hengte hi an ni: __________ te, Sobaba te, Nathana te, Solomona te;
Ans: Samua

Q15 .Chung zawng zawngte chu Judai ram lal __________ lal lai leh Israel ram lal ______________ lal laia thlahtute chhuinaah ziak an ni.
Ans: Jothama, Jopthama

Q16 .Tin, Hadada chu a thi a, Masreka mi ___________ a aiah a lal ta a.
Ans: Samla

Q17 .Chu mi fapa chu ___________ a ni a, chu mi fapa chu Hezekia a ni a, chu mi fapa chu __________ a ni a;
Ans: Ahaza, manasea

Q18.Tin, chu mi vêla khaw te zawng zawng ______ thlengin a ni. Chungte chu an chenna a ni a, an thlahtute __________________ an kawl bawk.
Ans: baal, thu ziakna

Q19. “Heti hian Juda lal _________________ hnêna sawi ang che u, ‘ I pathian i rina chuan Jerusalem khua  Assuria lal kuta pêk a ni lovang, tiin bum che suh se.
Ans: jezekia

Q20..Tin, Aigupta lal chu a ram ata a lo chhuak leh ta lo va: ___________________ lal chuan Aigupa ram lite atanga Euphrates lui thlenga Aigpta lal ram huam zawng zawng a la tawh si a.
Ans: Babulon

Q21 .Tichuan ani chuan, “Saw tu lungphun nge ka han hmuh saw?” a ti a. Tin, khuaa mite chuan, “Pathian mi, Judai ram atanga lo kal, ____________________ mâicham chunga i tih tak hi lo sawi lawktu thlan anih saw,” tiin an hrilh a.
Ans: Bethel-a

Q22.“Puithiam lalber _________________ hnênah han kal la, kawngkhâr vêngtuten mite hnên ata an lo lak khâwm LALPA ina tangka rawn dah chu chhiar sela;
Ans: Hilkia,

Q23. Hnam tinte pathian zawng zawng zinga mi rêng rêngin an ram chu ______________ lal lakah an chhanhim tawh ngai êm ni?
Ans: Assuria

Q24. Tin, Israelte lal hnênah chuan, “Thalngul kha han chelh teh,” a ti a; tichuan a han chelh a. Tin,__________ chuan lal kut chungah a kut a nghat a.
Ans: Elisa

Q25. Tin,______________ khua ata lal a lo thlenin lal chuan mâicham chu a han hmu a; tin, lalchuan mâicham chu a pan hnai a, a han lawn chho va.
Ans: Damaska

Q26 .Tin,___________________ chu api leh pu, Israel lalte hnênah chuan a muhil ve a; tichuan a fapa _____________ chu a aiawhin a lal ta a.
Ans: Jeroboama, Zekaria

Q27. Chutichuan an tho va, thimhmulah chuan an tlanche ta a, an puan in te, an _______________ te, an _________________ leh an riahhmun chu a awm ngai ngaiin an tlansan a, an tlanche ta chiam a.
Ans: Sakawr, sambengtungte

Q28.Nimahsela anni chuan an hlau ta êm êm mai a, “Ngai teh u, ______________ pawh khan an chelh tawh lo a ni a, keinin engtinnge kan chelh tehlul ang?” an ti a.
Ans: Lal pahnih

Q29.Tin, puithiam chuan sipai za hotute chu LALPA ina awm ,  lal ____________  fei leh phawte chu a pe a.
Ans: Lal Davida

Q30..Ka chhiahhlawh zâwlneite thisen leh LALPA chhiahhlawh zawng zawngte thisen phuba chu Jezebeli laka ka lak theihna tûrin i pu ________________ chhûngte chu i tiboral vek ang a.
Ans: Ahaba

Q31.Tin, Israel lal chu kulh tlânga a kal lai hmeiche pakhat hian, “......................., ka pu, min pui rawh,” tiin a lo au va.
Ans: aw lalbe

Q32.TichuanLALPA vântirhkoh chuan ............hnênah, “A rual hian chuk raw, amah chu hlau suh,” a ti a. Tin, a tho va, lal hnênah an chuk dun ta a.
Ans: Elija

Q33.Tin, Israel lal chuan, “E khai aw! LALPAN lal pathumte hi ................-ho kuta pêk tûrin min hruai khâwm ani ngei mai le,” a ti a
Ans: moab

Q34.Chutichuan ..................... phar khan a man ang chia, kumkhuain i thlahte pawh a man zel ang,” a ti a. Tichuan a hnên ata chu vûr anga vâra phârin a kal chhuak ta a.
Ans: Naamana

Q35................... thiltih chanchin dangte chu Israel lalte lal lai thu ziakna buah a chuang a ni lâwm ni?
Ans: Ahazia

Q36.Tichuan ......................... fapa Zedekia chuan a rawn naih a, Mikaia bianga a rawn beng a, “LALPA thlarau chuan i hnêna thu sawi tûrin khawi lamah nge mi .....................?” a ti a.
Ans: Kenaana

Q37.Tunah hian nangin, ‘Kal ta la, ngai teh, .....................chu sawta sawn a awm e, tiin i pu va hrilh rawh,’ i ti mai a: mi that ngei ang le,” a ti a.
Ans: Elija

Q38.Tin, .................... chungchâng thu pawh LALPAN a sawi a, “Jezreel khaw kulh bula uiin Jezebeli h a la ei ang.
Ans: Jezebeli

Q39.Tin, LALPA vântirhkoh chu a lo kal nawn leh a, a rawn khawih a, “....................., ei rawh, ikalna tûr i chelh lo vang e,” a tia.
Ans: tho la

Q40. LALPA mithmua thil tha lo tak tia a sualnate avâng leh .................................... kawng zawhc hu zawh vea Israel-hote thiltihsualtira a sualna avângin.
Ans: Jeroboama

Q41. Chutichuan lal chuan mi a rawn a, ..................... bawng no lem pahnih a siam a; an hnênah chuan, “In tan ............................... khuaa han kal chu a harsa lûtuk em a; aw Israelte u, en teh u, Aigupta ram ata hruai chhuaktu che u in pathiante hi,” a ti a.
Ans: rangkachak, Jerusalem

Q42.Tin, LALPAN tun la laa .......................... chhûngkua rawn tiboraltu tûr ........................ chunga lal a insiam ang; tunah pawh hian engtin nge ni ta ang le?
Ans: jeroboama, isarelte

Q43.Tin, a fapate hnênah chuan,“............................ mi siamsak leh u,” tiin a sawi a. Tin, an siamsak ta a.
Ans: Sabengtung

Q44.Chu mi chu _______________ hnam hmeithai fa a ni a, a pa chu tûra khuaa mi, dar chher mi a ni a;
Ans: Naphtali

Q45. Tin, biak in hulhliapah chuan bante chu a dintir a: ding lam ban chu a dintir a, a hmingah __________ a vuah a: tin, vei lam ban chu a dintir a, a hmingah ________ a vuah a.
Ans: Jakin, Boaz

Q46.Aigupta lal Pharaoa  chu a han chho va, _______ khua han la a, a hal a, chu khua a awm _________ hote chu a that a, a fanu Solomona nupui chu inthlahna thilpek atân alo pe tawh a ni.
Ans: Geer, kanaan

Q47.Solomona chuan Zidon-ho pathiannu __________ leh Amon-ho pathian tenawm tak ___________ chu a lo zui ve ta mai a.
Ans: Astorethi, milkoma

Q48. ___________ tihhreawmna belhchhahin Solomona dam chhûng zawng, Israelte hmêlma a ni fo thin reng a. Israelte a haw hle mai a, _________ ram chungah ro a rel a.
Ans: Hadada, Suria

Q49.Tin, Arauna chu a han hawi a, a lam pana lal leh ahote lo kal chu a hmu a: tichuan __________________ chu a chhuak a, a hmaia lei siinlal hmaah chuana bawkkhup a.
Ans: Arauna

Q50.Tin, _________________ mitete kutah chuan a hlan a, tinanni chuan LALPA hmaah tlângah an khaihlum a, tichuan an pasarihchuan hmunkhatah an thi za a: buh seng hun,barli seng tantirh lai velin an tihluma.
Ans: Gibeon

Q51.Tichuan Joaba chuan ________________ mi hnênah chuan, “Kal la, i thil hmuh ve hrilh rawh le, a tia
Ans: Kus

Q52.Nimahsela ani chu chu mi hmunah chuan a ding a, a veng tlat a, Philistia mite chu a that a: tin, __________________ nasa takin a ngamsak a.
Ans: Lalpan

Q53.“Lal chuan kan hmêlmate kut ata min chan chhuak a, ____________________ mite kut ata min chhandam ta a; tin, tuna hian he ram  atang hian Absaloma chua tlan chuahsan a.
Ans: philistia

Q54.Tin, Pathian bâwm chu tawlailir tharah an dah a, tlânga _________________ in ata an la chhuak a: Abinadaba fapa Uza le Ahioa-te chuan tawlailir thar chu an khalh a.
Ans: Abinadaba

Q55.Tin, nathana chuan lal hnênah, “I rilrua awm ang tak chuan ava ti rawh, _____________ i hnênah a awm alawm,” a ti a.
Ans: LALPA

Q.56.  Davida chuan Luia a ram la leh tûra a kal pahin ____________ lal Rehoba fapa Hadadezera pawh a bei a.
Ans: zoba

Q57.Tin, lal chuan, “Pathian khawngaihna ka tihlan theihna tûrin Saula chhûngte zinga mi an la awm lawm ni le?” a ti a. Tin, __________ chuan lal hnênah, “Jonathana chuan fapa pakhat a la nei a, a ke pawh a bai nghe nghe,” a ti a.
Ans: ziba

Q58 .Nimahsela Amona thlahte puipaho chuan an pu Hanuna hnênah chuan, “Davida hian i pa a zah avângin i hnênah thlamuantu a rawn tir niin i ring em ni? Davida hian amite hi khuate rawn tiche tûra thlitlai leh ________________ tûrin i hnênah a rawn tira nai lawm ni?” an ti a.
Ans: enthla

Q59..Tin, Davida chuan a hnênah, “Khawi atanga lo kal nge i nih?” a ti a; tin, ani chuan a hnênah, “_____________ mite tanhmun atangin ka lo tlan chuak a ni,” a ti a.
Ans; Israel

Q60.Tin, Davida chuan a hnêna mi zawm zawng zawng chu a hruai chho va, mi tin, an chhûngkuate theuh nen, ________________ khuaahte chuan an awm ta a.
Ans: Hebron

Q61.a dawttu chu Kileaba, Karmel mi Nabala nupi Abigaili laka mi a ni; tin, a pathumna chu Absaloma, ______________ lal Tamaia fanu Maaki fapa a ni a;
Ans:Gesur

Q62.Beeroth khuaa mite chu ____________-ah an tlan a, tun thlengin chutah chuan an awm ta a.)
Ans: Gitaim

Q63.Chutichuan Israel upa zawng zawng chu Hebron-ah lal hnênah an kal a; tin, lal Davida chuan Hebron-ah chuan LALPA hmaah an hnênah thu a thlung a: tin, _______________chu Israelte chunga lal atân hriak an thih a.
Ans: Davida

Q64.Tin, Davidan thlaler atang chuan ____________________ a berâm hmul amet tih a lo hria a.
Ans: Nabalan

Q65. Tin, Saula chuan ____________________ aw chu a han hria a, “Chu i awm ela ni, ka fapa Davida?” a han ti a. Tin, Davida chuan, “Aw lalpa,  ka pu, ka aw ani e,” a ti a.
Ans: Davida

Q66. .Chutichuan ___________________chu chumi ni chuan Ziklag khua chu a pe ta a: chuvangin Ziklag chu tun thlengin Judai ram lalte ta a ni ta reng a.
Ans: Akisa

Q67. Chutichuan _____________________ “Unaute u, LALPA, min humsaka min do tûra lo thawkho kan kuta petu thil min pekte chu chutiang chuan in ti lo vang.
Ans: Davidan

Q68. Tin, inthawinaah chuan Jesaia chu ko la, tin, i tih tûr chu ka hrilh ang chia; tin, a hming ka hrilh tûra che chu ................. min thihsak ang che.” a tia
Ans: hriak

Q69. Tin, Philistia mite chu tlang pangah an awm a, tin, Israel mite chu a lehlam tlang pangah an awm a, an inkarah chuan .................. a awm a.
Ans: ruam

Q70.Chutichuan .............. leh Davida chuan thu an thlung a, ama nunna ang chiaha a hmangaih avângin.
Ans: Jonathana

Q71 .tin, ka kal chhuak ang a, i awmna phulah ka pa kiangah ka va ................. ang a, i chungchang thu-ah ka pa ka bia ang a; tin, eng emaw ka hriat chuan ka hrilh ang che,” a tia .
Ans: Ding

Q72. Tin, Davida chuan, “I pa chuan i mi khawngiah dan hi a hre chiang hle kmai si a; ‘Jonathana chuan hei chu hre kher suh se, chutilozawng a lungngai dawn em mai e,’ a ti a ni ang: amaherawhchu ......................... nunna leh i nunna chhalin ka sawi e, thihna nena kan inkar chu pen khat chauh a ni,” tiin a sawi uar leh a.
Ans: Lalpa

Q73..Chutichuan an mi tirhte chuan Saula awmna khua ................. chu an lo thleng a, mipuite beng hriatah chuan chung thu chu an sawi a; tin, mipuite chuan an aw an chhuah a, an tap a,
Ans: Gibea

Q74 .Tin, anni chuan, “Min  bum ngai lo va, min tiduhdah ngai hek lo, tuma kut atangin ................. awm loh i la ngai hek lo,” an ti a.
Ans: lak

Q75 . Tin, Israel-ho zawng zawngte chuan, Saula chuan Philistia ral vengtu sipaihote a bei tih leh Israel-hote pawh ................................... mite huat an phur ani tih thute an lo hre ta a.
Ans: philistia

Q76. Hei hi a chungchâng thu LALPAN a sawi chu a ni: ...................... fanu nula chuan a hmusit chia, a nuihzatbur che; Jerusalem fanu chuan a lu a thin khum che.
Ans:

Pathian hming leh a awmzia -


JEHOVA (AWMA) Tin, Pathianin Mosia hnenah, “AWMA KA NI,” a ti a; tin, a hnenah chuan, “Nangin Israela thlahte hnenah chuan, ‘AWMA chuan in hnenah mi rawn tir a ni e,’ I ti tur a ni,” a ti a. (Exodus 3:14)

Jehova-Jire (LALPA in tum chawp thin) Tichuan Abrahaman chu mi hmun hmingah chuan Jehova-jire a vuah a: vawiin thlenga,” LALPA tlangah ngaihtuah a ni ang chu,” an ti thin ang hian.(Genesis 22:14)

Jehova-Rapha ( LALPA ti dam tu)  “… kei LALPA a tidam tuche ka nih hi,” a ti a.(Genesis 15:26)

- Jehova-nissi (LALPA kan hnehna puan zar)-Tin, Mosian maicham a siam a, a hmingah chuan Jehova-nissi a vuah a(Genesis 17:15)

-   Jehova-Salom(LALPA kan thlamuanna)- Tin, LALPAN a hnenah, “ Thlamuang takin awm la hlau suh: I thi lo vang “ a ti a. Chutichuan Gideonan chutah chuan LALPA tan maicham a siam a, Jehova-salom a vuah a: (Roreltute 6:23f)

- Jehova-Ra-ah(LALPA min vengtu)- LALPA chu mi vengtu a ni a: ka tlachham lo vang.(Sam 23:1)

- Jehova-Tsidkenu(LALPA kan felna)- A hun chhungin Juda chu chhandam a ni ang a,Israel chu him takin a awm ang. Tin, hei hi a hming an la vuah tur chu a ni,’LALPA chu kan felna a ni’ tih hi.(Jeremia 23:6)

- Jehova-Sabaoth(Sipaihote LALPA)- Sipaihote LALPA  chu kan hnenah a awm a; Jakoba Pathian chu kan kulhbing sang a ni.(Sam46:7)

- Jehova-nissi (Pathian kan puanzar) - Tin, Mosian maicham a siam a, a hmingah chuan Jehova-nissi a vuah a: (Exodus 17:15)

- Jehova-Yashaa Gaal (Pathian chhandamtu leh tlantu) - Tin, nangmah hnenchhaihtute chu anmahni sa ka eitir ang a; uain thlum rui ang hian anmahni thisenin an rui ang: tichuan mi zawng zawngin, kei LALPA hi nangmah chhandamtu leh nangmah tlantu, Jakob-ho Mi Chaka chu ka ni tih, an hria ang,'" tiin. (Isaia 49:26)

- Jehova-Mkadish Kem (LALPA tithianghlimtu) - Tin, LALPAN Mosian hnenah, “Israela thlahte hnenah chuan, ‘Ka chawlhnite hi in serh ngei ngei tur a ni; in thlahte thlenga keimah leh nangmahni inkara chhinchhiahna a ni si a; kei hi LALPA nangmahni tithianghlimtu che u ka ni tih in hriat theih nan.( Exodus 31:12,13)

- Jehovah-Zeboath (Sipai hote LALPA) - Sipaihote LALPA chuan tihboral bang tlemte min lo zuahsak suh sela chuan, Sodom ang khan kan awm daih tawh ang a, Gomorra ang mai khan kan awm tawh ang. (Isaia 1:9)

- El Elyon (Pathian Chungnungbera)- Tin, a ni chuan Abrama chu mal a sawm a, “ Lei leh van neitu Pathian Chungnungberachuan Abrama mal sawm rawh se. I hmelmate i kuta petu,Pathian Chungnungbera chu fakin awm bawk rawh se,” a ti a.(Genesis14:19f)

- Thu tlu hi vengtute thuipeka tih a ni a, thil phut hi mithianghlimte thua tih a ni a, chungnungbera chuan mihringte lalna ram chungah thu a nei a, a duhsak apiang a pe a, mi hnuaihnung berte pawh a luahtir thin a ni tih minungin an hriat nan a ni;’ tiin a au va. (Daniela 4:17)

- El Shaddai (Pathian Engkimtitheia)- Tin, Abrama chu kum 99 mi a nihin, LALPA chu Abrama hnenah chuana rawn inlar a, a hnenah,”Kei, Pathian Engkimtitheia ka ni; ka hmaah awm la, tha famkimin awm rawh, Ti chuan nangmah nena kan inkarah thu ka thlung ang a, nasa takin ka tipung ang che,” a ti a.(Genesis17:1-2) (Pathian engkimtithei nimahse engkim a ti kher lo)

- El Olam (Chatuan Pathian)- Tin, Abrahama chuan Beer-seba-ah chuan far thing a phun a, chutah chuan LALPA,Chatuana Pathian hming chu a lam a.(Genesis 21:33)

- El Gibor (Pathian Chaka)- Kan tan naupang a lo piang a, fapa pek in kan lo awm ta a; rorelna chu a koki ah a chuang a nga; a hmingah chuan Maka, Remruattua,Pathian Chaka, Chatuan Pa, Remna Lal an ti dawn si a.(Isaia 9:6)

 - Elohim (Siamtu Pathian) - Tin, Pathianin, “Kan anpuiin, keimahni ang takin mihring siam ila, anni chu tuifinriata sangha chungah te, chungleng sava chungah te, ran chungah te, lei chung zawng zawngah te, rannung leia bawkvaka kal zawng zawng chungah te thu i neihtir ang u,” a ti a. (Genesis 1:26)

-Thikthuchiaa - “ Pathian dang reng reng chu i be tur a ni si lo va : LALPA chu a hming reng pawh Thikthuchhiaa a ni a, Pathian thikthuchhia a ni si a. (Exodus 34:14)

Eluma,
 dawithiam

Adama,
mihring

Abbadon:
Chhiatna thlentu.

Abhor
Huatna